Lynkeus (Sohn des Aphareus)

De Lynkeus (altgriech. Λυνκεύς, „Luchsmaa“) isch i de griechische Mythologi e Gegner vo de Dioskure.

De Lynkeus isch de Soo vom messenische König Aphareus und vo de Arene. Er isch de Zwilling vom Idas. Baidi hend a de Argonautefaart und a de Kalydonische Jagd tailgnoo. Er hett mit sinene Auge dör ales chöne döreluege und o tüüf i d Erde ine. Im Champf mit de Dioskure isch er vom Polydeukes töödt wore.