Back ماريا واليسير ARZ Maria Walliserová Czech Maria Walliser German Maria Walliser English Maria Walliser Spanish Maria Walliser Basque ماریا والیزر Persian Maria Walliser Finnish Maria Walliser French Մարիա Վալլիզեր Armenian
D Maria Walliser (* 27. Mai 1963 z Mosnang) isch en ehemoligi Schwiizer Skirännfahreri.
Sie isch i de 1980er Johr erfolgriich gsi und het vo 1983 bis 1990 insgsamt 25 Weltcöprene i allne Diszipline usser im Slalom gwüne chöne. Bi de Olympische Winterspiil 1984 z Sarajevo het sie hinder de Michela Figini d Silbermedaille gwune. In de Johr 1986 und 1987 het sie zwomol hinderenand de Gsamtweltcöp gwune.
De Höhepunkt vo ihrere Karriere isch de Gwünn vo de Goldmedaille i dr Abfahrt und im Super-G und dezue no d Bronzemedaille im Riiseslalom bi de Ski-WM 1987 z Crans-Montana gsi. I dr Abfahrt het sie mit de Michela Figini en Schwiizer Doppelsiig gfiiret. De Siig in dr Abfahrt het d Walliser a de Ski-WM 1989 z Vail widerholt. Ihri erfolgriichi Karriere het sie im Merz 1990 beändet.
Sithär betätiget sie sich im Wiibou und sit em Johr 2000 als Präsidentin vo de Stiftung Folsäure Offensive Schweiz. De Grund dezue isch ihri eigni Tochter, wo mit de Chranket Spina bifida gebore worden isch.[1]