Monumente des Radsports

Monumänt vum Radsport wäre di fimf draditionsryychschte un prestischdrächtigschte Eidagesränne im Stroßeradsport gnännt, dodrunter zwei italienischi, zwei belgischi un ei französischs Ränne. Vier vu dr fimf Ränne wäre alljohr im Friejohr uusdrait, eis im Spotjohr.

Ränne	Erschtuusdragig	Rekordsiiger	hitige Termin
Flagge Italiens Mailand–Sanremo	1907	Flagge Belgiens Eddy Merckx (7 Siig)	dritte Samschtig im Merze
Flagge Belgiens Flandern-Rundfahrt	1912	Flagge Belgiens Achiel Buysse, Flagge Belgiens Eric Leman, Flagge Italiens Fiorenzo Magni un Flagge Belgiens Johan Museeuw (je 3 Siig)	erschte Sunntig im April
Flagge Frankreichs Paris–Roubaix	1896	Flagge Belgiens Roger De Vlaeminck (4 Siig)	zweite Sunntig im April
Flagge Belgiens Lüttich–Bastogne–Lüttich	1892	Flagge Belgiens Eddy Merckx (5 Siig)	vierte Sunntig im April
Flagge Italiens Lombardei-Rundfahrt	1905	Flagge Italiens Fausto Coppi (5 Siig)	dritte Samschtig im Oktober

D Streckeprofil vu dr Rädränne unterscheide si stark: Alli Ränne fiere iber e Lengi vu zmindescht 250 km, s Terrain vu Mailand–Sanremo isch aber e gmäßigt bielig un in dr letschte Johr au fir Sprinter geignet. Lüttich–Bastogne–Lüttich un d Lombardei-Rundfahrt wyyse dergege mehreri lengeri Aastiig uf. Im Gegesatz zue däne drej Klassiker, wu uusschließli uf Asfalt uusdrait wäre, zeichne sich d Flandern-Rundfahrt (mit e Huffe gäche churze Aastiig) un Paris–Roubaix (flach) dur ihri schwäre Passasche mit Chopfsteibflaschter uus.

Nume drej belgischi Fahrer hän s bishär gschafft alli fimf Ränne z gwinne: Rik Van Looy (zwische , 1958 un 1965), Eddy Merckx (zwische 1966 un 1976) un Roger De Vlaeminck (zwische 1970 un 1979). Dr Eddie Merckx het insgsamt nyynzeh Mol gwunne un e jedes Ränne zmindescht zwei Mol.