Back Sonenergie Afrikaans Enerchía solar AN طاقة شمسية Arabic Enerxía solar AST Günəş enerjisi Azerbaijani Ҡояш энергетикаһы Bashkir Enerhiyang solar BCL Сонечная энергія Byelorussian Сонечная энэргія BE-X-OLD Слънчева енергия Bulgarian
Zum dr Wältbedarf an Brimärenergii elläi dur Solarstrom z degge, wurde bim ene Wirkigsgrad vo 8 Brozänt d Flechene länge, wo mit dunggle Kräis markiert si.
As Sunneenergii oder Solarenergii bezäichnet mä d Energii vo dr Straalig vo dr Sunne, wo in dr Form vo elektrischem Strom, Wermi oder chemischer Energii technisch cha gnutzt wärde. D Sunnestraalig isch die elektromagnetischi Straalig, wo uf dr Oberflechi vo dr Sunne wäge iirer Tämpratur vo öbbe 5500 °C as Schwrzkörperstraalig entstoot. Die Tämpratur chunnt vo de Kärnfusionsbrozäss im Innere vo dr Sunne, wo Wasserstoffkärn zu Heliumkärn verschmelze.