Back فن الحجارة Arabic རྡོ་བཟོ་བ། Tibetan Picapedrer Catalan Stenhugger Danish Steinmetz German Ŝtontajlisto Esperanto Cantero (oficio) Spanish Tailleur de pierre French Canteiro, canteira Galician סיתות HE
E Stäimetz (lat.: Aciscularius bzw. Lapicida, Lapidarius) bearbäitet Naturwärkstäi, Betonwärkstäi bzw. Kunststäi mit Wärkzüüg und Maschine. Si Schwerpunkt lit uf dr handwärklige, geometrische, vilmol bautechnische Arbet noch Blään. Äänlig schafft dr Stäibildhauer, wo aber sterker gstalterisch isch. Z Dütschland absolviere d Bildhauer und d Stäimetz die erste bäide Usbildigsjoor gmäinsaam.
Bim Bruef vom Stäihauer handlet es sich um en usgstorbene Bruef. D Stäihauer häi usschliesslig in Stäibrüch gschafft und nume d Rohstäi für d Stäimetz und Stäibildhauer broduziert. Dr Bruef isch nit idäntisch mit däm vom Stäimetz.
Dr Bruef vom Stäimetz isch äine vo de eltiste Brüef überhaupt und goot zrugg bis in die früeste gschichtlige Zite.