Team Gerolsteiner

S Team Gerolsteiner isch e Radsportteam gsi, wu s vu 1998 bis 2008 gee het un wu vum Getränkehärsteller Gerolsteiner Brunnen finanziert woren isch.

D Mannschaft isch anne 1998 grindet wore un zerscht vum Dieter Koslar gleitet wore. Speter isch dr Hans-Michael Holczer Teamchef wore, dr erscht un zweet Sportli Leiter sin di ehmolige Radsportler Rolf Gölz un Christian Henn gsi. Mit dr Verpflichtig vum Georg Totschnig anne 2001 isch em Team dr Gump in d GS-I-Kategori glunge. Fir s Jahr 2003 het s sich zem erschte Mol fir d Tour de France qualifiziert. In däm Johr het dr Ex-Profi Reimund Dietzen d Ufgab vum Sportlige Leiter vum Rolf Gölz ibernuu. Am 4. Septämber 2007 het Gerolsteiner bekannt gee, ass dr Verdrag, wu no bis Ändi 2008 glofen isch, nit verlengeret wird. E Noofolgersponsor isch nit gfunde wore, wäge däm het dr Teamchef Holczer am 28. Augschte 2008 d Uflesig vum Rännstaal zum Ämndi vu dr Saison 2008 mieße bekannt gee.^[1]

Am 14. Oktober 2008 het s Team Gerolsteiner mitdeilt, ass sich dr Sponsor nit erscht zum Saisonändi us em Radsport zruckziet, sunder mit sofortiger Wirkig wäg dr positive Dopingprobe (A-Probe) vum Stefan Schumacher un em Bernhard Kohl bi dr Tour de France.^[2]

1. ↑ Aus für Team Gerolsteiner Kein Nachfolge-Sponsor Archivlink (Memento vom 31. Dezämber 2008 im Internet Archive)
2. ↑ Team Gerolsteiner zieht sich sofort zurück - Auch Bergkönig Kohl positiv getestet Archivlink (Memento vom 11. Dezämber 2008 im Internet Archive)