Tendabahn

Tendabaan
Kursbuechstrecki (SNCF):	506
Kursbuechstrecki (Trenitalia):	109
Streckenummere (RFF):	Nice–Breil-sur-Roya: 945 000 Coni–Ventimiglia: 946 000
Streckenummere (RFI):	7
Streckelengi:	Cuneo–Ventimiglia: 99,4Vorlage:Nnbspkm Cuneo–Nizza: 121,2 km
Spurwyti:	1435 mm (Normalspur)
Cuneo–Ventimiglia
Legende Strèggi vo Fossano Strèggi vo Saluzzo Strèggi vo Mondovì 0,0 Cuneo 502 m s.l.m. 7,1 Borgo San Dalmazzo 630 m s.l.m. 14,5 Roccavione 647 m s.l.m. 17,0 Robilante 678 m s.l.m. 23,0 Vernante 799 m s.l.m. 32,0 Limone Piemonte 1.002 m s.l.m. Tenda-Ysèbaadunnel (8099Vorlage:Nnbspm) Staatsgränz Italiè/Frankrych Tenda-Ysèbaadunnel (8099Vorlage:Nnbspm) 42,2 Vievola 979 m 50,4 Tende (Tenda) 821 m 54,4 La Brigue (Briga Marittima) 749 m 58,1 St. Dalmas de Tende   (San Dalmazzo di Tenda) 696 m 70,8 Fontan-Saorge 449 m 77,1 Breil-sur-Roya (Breglio) 305 m Zweigschtrèggi uff Nizza (s. u.) 82,3 Piène (Piena) 226 m Staatsgränz Frankrych/Italiè 86,2 Olivetta San Michele 143 m s.l.m. 87,4 Airole 123 m s.l.m. 94,4 Bevera 34 m s.l.m. Ventimiglia Parco Roja Strèggi vo/gu Nizza 99,4 Ventimiglia 11 m s.l.m. Strèggi gu Genua
Zweigschtrèggi gu Nizza
Legende Stammschtrèggi vo Cuneo (s.Vorlage:Nnbspo.) 44,1 Breil-sur-Roya (Breglio) 305 m Stammschtrèggi nõch Ventimiglia (s.Vorlage:Nnbspo.) 33,5 Sospel 349 m 24,9 Touet-de-l’Escarène 23,4 L’Escarène 370 m 16,7 Peille 13,5 Peillon-Saint Thècle 9,0 Drap-Cantaron 116 m 6,9 La Trinité-Victor 4,5 L’Ariane-La Trinité 2,3 Nice-Saint Roch Strèggi vo Ventimiglia 0,0 Nice Ville 20 m Strèggi gu Marseille

D Tendabaan isch è ußergwöönlichi normalschpurigi Ysèbaaschtrèggi durch d Alpè. Si vobindet diè italiènischi Stadt Turin übber Cuneo mit èm französischè Nizza un unterquert dè Hauptkamm vo dè Seealpè unterhalb vum Colle di Tenda in èm über acht Kilometer langè Scheiteldunnel, wo übber acht Kilometer lang isch. Südlich vum Schteiteldunnel isch si Bschtanddeil vum erwittertè Berych um dè französischè Nationalpark Mercantour ummè. Ußergwöönlich bi dè Tendabaan isch vo allèm d Südrampè, wo vo dè Mittelmeerküschtè bi Nizza odder Ventimiglia i eim Rutsch uff übber 1000 m NHN im Tenda-Scheiteldunnel aaschtygè duèt. S obberè Royadal, wo d Tendabaantrassè durrè gòt, isch äng un gòt gäch s Loch ab, sèllèwäg sin dört drei Chraiskeerschpiralè nötig, um bis zum Tendapass uè z chò. Dõdemit sticht d Tendabaan vill berüèmtèri Alpèbaanè, wiè d Lötschbärg-Bärgschtrèggi, d Simplonschtrèggi au d Gotthardbaan uus, nu d Alpèschtrèggè vu dè Rhätischè Baan chönnèd in Europa mit dè Tendabaan mithaltè. Diè durchgängig eingleisigi Strèggi isch fascht 100 Kilometer lang. Diè maximaali Stygung vo dè Strèggi bedrait 25 ‰ bi nèm minimalè Kurvèradius vo 300 Meter. Sèlli Streggèparameter machèd è Högschtgschwindigkeit vo 80 km/h möglich. Zwǜschè Bevera un Robilante wörrèd 58 Brozènt vo dè Stammschtrèggi in Dunnel gfüürt. Wèg dè Laag a dè französisch-italiènischè Gränz un dè Animositätè zwǜschè dènnè beidè Staatè am Aafang vom 20. Johrhundert hèt sich dè Bau vo dèrrè Strèggi über 50 Johr hyzogè. Us dèm Hick-Hack vo dè richtigè Trassèfüürung hèt sich z Breil-sur-Roya zmitts i dè Seealpè èn Abzwygbaanhof mit zwei Streggèäscht ergää: Ein Streggèascht füürt vo dört uus als Stammschtrèggi witter nõch Italiè, dè ander als Zweigschtrèggi witter nõch Frankrych. Ußergwöönlich sin au diè Feschtungsaalaagè, wo in voschiddènè Dunnel baut worrè sin.

D Trassè vo dè Tendabaan volauft abschnittswys in èm Gebièt, wo geologisch zimli aktiv isch. Sèll bedrifft in èrschter Linniè dè Steilküschtèabschnitt zwǜschè Breil-sur-Roya un Nizza. Sèlli Aktividät üßert sich durch èn schlychèndè Bärgrutsch, wo s Gleis immer widder vozièt. Us sèllèm Grund darf mò i sèllè Abschnitt nit schnèller als 10 km/h gfaarè wörrè. Au d Stammschtrèggi isch durch Staischlag gfôrdèt, sèllèwäg isch si a söttigè Stellè mit èm Käfig us Indikatordrôt gsichèrèt. D Drôt haltèd dè Vokeer sofort uff, wenn Stai uff d Trassè abbè kaièt, idèm sämtlichi Signaal uff Halt gschtellt wörrèd. Als Bsunderheit sin d Signaal zwǜschè Breil-sur-Roya un Tenda nõch italiènischem Model baut, obwoll d Strèggi uff französischèm Gebièt lyt.

Sèll zeigt, dass es Schicksal vo dè internationalè Tendabaan sit 1970 i dè Hand vo Italiè lyt: Dörtzmòl hèn Italiè un Frankrych vodraglich feschtglait, dass es Piemont allei d Erhaaltungskoschtè vo dè gsamtè Ysèbaaschtrèggi übbernää duèt. Diè blaanti Schlièßung im Johr 2013 hèt Èndi April italiènisch-französischi Brotäscht uusglöst.^[1] D Unterschtützer vo dè Baan hèn è umgmodlèti Konvention hèrrè brocht, wo us dè 1970er Johr gschtammt hèt, un è Rettung vo dè Linniè durch è Koschtèuffdeilung uff beidi Länder mit sich brocht hèt.

1. ↑ Brotäscht gegè d Schlièßung vu dè Tendabaan – Quotidiano online della Provinzia di Cueno. Archiviert vom Original am 13. August 2017; abgruefen am 6. September 2019.