Tour de Romandie

Tour de Romandie
Tour de Romandie, 2. Etappe 2008
Uusdragigsland	Schweiz Schwiz
Uusdragigszytruum	April
Ränntyp	Etapperänne
Erschti Uflag	1947
Erschte Siiger	Flagge Belgiens Desire Keteleer
Rekordsiiger	Flagge Irlands Stephen Roche (3 Siig)

D Tour de Romandie isch e Radrundfahrt, wu in Etappe dur di franzesischsprochig Weschtschwyz, d Romandii, fiert. Des Ränne, wu anne 1947 s erscht Mool uusdrait wore isch, findet alljohr Ändi April/Aafangs Mai statt un giltet as wichtig Vorberatigsränne fir dr Giro d'Italia. D Tour de Romandie ghert zue dr 2005 nej yygfierte UCI ProTour, ere Serie vu dr wichtigschte Radränne im Johr.

Insgsamt zwelf Mol het e Schwyzer d Tour de Romandie gwunne. Dr erscht un bishär ainzig dytsch Siger isch dr Andreas Klöden gsi, wu d Uusdragig im Johr 2008 gwunne het.

Dr Rekordsiger isch dr Stephen Roche, wu d Tour de Romandie drejmol gwunne het (1983, 1984 un 1987).