UCI World Tour

Sit 2011 git s d UCI World Tour, die jöhrligi Rennserii vo dr UCI, wo d Klassemänt von ere s UCI World Ranking vo 2009 und 2010 ablöse. D UCI World Tour umfasst näbe de 16 ehemolige ProTour-Renne no 10 zuesätzligi wie z. B. d Tour de France, dr Giro d’Italia oder d Vuelta a España, wo in früehnere Johr dur en eigeni Kategorii (HIS – Historischi Renne) kennzeichnet worde si.^[1]

Mitmache bi dr Rennserii düen 18 ProTeams, wo bsunders lizenziert si. Usserdäm chönne die Professional Continental Team vom jewiilige Veraastalter vom ene Renne iiglade wärde. Bi einzelne Renne wie dr Tour Down Under oder dr Pole-Rundfahrt daf au e Nationalteam vom Gastgäberland mitmache.^[2]

1. ↑ UCI-Presserklärig zur Vereinigung vo dr ProTour mit em historische Kaländer vom 1. Oktober 2010
2. ↑ UCI-Reglement für den Straßenradsport, dort: 2.1.005 International races and participation Archivlink (Memento vom 23. Juni 2011 im Internet Archive), abgrüeft am 11. April 2011