Zelt-Musik-Festival

S Zält-Musik-Feschtival (dt. Zelt-Musik-Festival, churz ZMF) findet syter anne 1983 im Juni oder Juli z Fryburg statt. S goht rund drei Wuche un het all Johr bis zue 120.000 Bsuecher. In verschidene Zält un uf Freiluftbihne wird e bunt Programm us Musik, Chunscht, Theater, Kabarett un Sport bresäntiert. No Aagabe vum Veraastalter isch s grescht un eltscht Musikfeschtival z Bade-Wirttebärg.^[1] S ZMF läbt vu sym braite Späktrum us allne Musiksparte. Iber d Johr hän iber 600 regionali Chinschtler un Star us aller Wält en abwächsligsrych Programm us Klassik, Jazz, Rock, Pop, Wältmusik, Chlaichunscht un Chinderprogramm bote. Doderby sin e Hufe Newcomer gferderet wore.

Bsundersch Feschtival isch ass dr Zuedritt zum Gländ nyt choschtet. Näbe dr baide große Veraastaltigszält - em Zirkus- un em Spiegelzält - mit dr Konzärt, het s no anderi Bihne im Freie un e Bihni im e Zält, wu dr ganz Dag choschtelosi Konzärt, Chlaichuscht un Jugedkultur-Aktione z sää sin, Syter 2008 schafft s ZMF au mit em Juged-Bildigswärch zäme im Rame vum Programm Youngstars in Action.

1. ↑ Freiburger Zelt-Musik-Festival mit gutem Vorverkauf. In: Focus Online. 15. Juli 2014, abgruefen am 3. Juli 2015.