Zimdancehall, au Zimbabwe Dancehall, isch es Subgenre vom Reggae/Dancehall und chonnt us Simbabwe.
Zimdancehall het agfange i de schpäter 1980er Johr mit lokale Stars, wo sech vo jamaikanische Musiker händ inspiriere lo und glichzitig ihre eigene simbabwische Stil entwicklet. In de 1990er Johr isch e grösseri Generation vo Zimdancehall-Artiste entschdande, und Startime Supa Power isch eine vo de erste gsi, wo d Künstler drzue brocht het, ihri Songs ufznäh. Dr Ifluss uf e simbabwischi Musigmärt isch konstant gwachse, wird hüt vo Jung und Alt glost und nimmt e grosse Prozäntsatz vom simbabwische Radio ii. Drzue träge au di regelmässige Zimdancehall Awards bi.[1]
Dr Zimdancehall gilt as politisches Ventil für di wirtschaftlech unterdrückti Bevölkerig vo Zimbabwe.[2]
- ↑ Here Are The Zimdancehall Awards 2016 Winners uf newsvyb.com
- ↑ Uche Onyebadi: Music as a Platform for Political Communication. IGI Global, 2017, ISBN 978-1-5225-1987-4, Zimbabwe Dancehall Music as a Site of Resistance, S. 238–256 (englisch).