800 metros lisos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A cursa de 800 metros lisos, en atletismo, ye una cursa en a que s'ha de fer una distancia de 800 metros, libres d'obstaclos, o mes rapido posible. Ye a cursa mes curta d'as de meyo fundo y tien una surtida mixta entre as cursas de velocidat i as de fundo. A surtida se fa cadagún por a suya carrera dica plegar en os 110 m, estando dende alavez en carrera libre, a on l'atleta puet correr por a carrera que quiera, emplegando-se mas que mas as carreras 1 y 2.

Ye incluida en o programa de prebas oficials d'os campionatos d'atletismo y a mas a mas ye en o programa d'atletismo en os Chuegos Olimpicos dende os Chuegos Olimpicos de Atenas 1896 en a categoría masculina, en a categoría femenina estió preba olimpica en Amsterdam 1928 pero fue considerata como una preba masiato dura t'as mullers y no tornó a estar preba olimpica dica Tokio 1964.