Barbero

Un barbero^[1] (u barbera^[1] si ye muller) u rasuraire^[1] ye un professional que barbia u afaita a barba d'os hombres y talla os cabellos. D'antis mas, manimenos, tamién feba chicotas operacions de cirurchía menor. Entre as funcions d'un barbero figuran tallar os cabellos, tallar as cameretas, y rasurar a nuquera. O pelo luengo por un regular se talla con unas estixeras con l'aduya d'un peine, mientres que o pelo curto ye perfilau u rasurau con una fuella afilada (montada o bien en una novalla de barbero u bien en una rasuradera). Si cal, tamién afaitan a barba d'os hombres (u a mostaixa) con una fuella afilada , rasurando a barba de tot u simplament perfilando-la. Pa facilitar o eslisamiento d'a fuella, a barba ye previament lubricada con sabón, crema u chel d'afaitar. Dimpués aplican locions postafaitau pa hidratar a piel d'a cara y zarrar os poros.

En todas as barberías son elementos omnipresents o mirallo, pa validar a faina d'o barbero, y o champú pa lavar o cabello. D'a mesma forma, s'aplican colonias pa perfumar-lo, y a vegadas s'utilizan fixadors (como a laca) pa mantener-lo en una forma determinada. Como botiga que ye, tamién tien a función de vender recheneradors capilars, champús, tintes y altros productos d'hichiene u belleza.

1. ↑ ^{1,0 1,1 1,2} (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.