Basketbol

O basketbol^[1] u básket^[1] (de l'anglés basketball)^[1] ye un esporte de pilota que se chuga con as mans entre dos equipos composaus por cinco chugadors, que miran de meter-ie una pilota adintro d'a canasta esfendita por l'equipo contrario, con l'obchectivo de conseguir mas puntos que l'adversario, tot respectando as reglas d'o chuego. O suyo inventor estió James Naismith, profesor d'educación fisica d'a YMCA Training School (huei Sprinfild Colleg) de Sprinfield, en aviento de 1891.^[2]

Iste esporte y as suyas competicions son reguladas a livel internacional por a Federación Internacional de Baloncesto (FIBA) establida en 1932 y que tien a suya seu en Chenova, Italia. Tien cinco confederacions: Europa, America, Asia, Africa y Oceania. En Europa ye a lo cudiau d'a Confederación Europea de Basketbol (FIBA Europa), en Espanya a Federación Espanyola de Basketbol (FEB) y en Aragón a Federación Aragonesa de Basketbol (FAB).

O basketbol tamién ye practicau por personas disminuidas fisicament y psiquica con reglas especificas ta éls; ta as primeras bi ha competicions en cadieras de ruedas, y o chuego y os campionatos son regulaus por a Federación Internacional de Basketbol en Cadiera de Ruedas (IWBF d'as suyas siglas en anglés).

1. ↑ ^{1,0 1,1 1,2} (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
2. ↑ (en) Newly found documents shed light on basketball's birth.