Cabernet franc

A cabernet franc (prenunciau en francés /kabɛʁnɛ fʁɑ̃/) ye una d'as ugas tintas mas plantadas en o mundo. S'usa, mas que mas, pa mezclar-se con a cabernet sauvignon y a merlot en o vin de Bordeus, pero tamién se puet vinificar sola, como en o vin chinon d'a Loira. Amás, se fa como vin de chelo pa producir vins varietals y de mezcla en Estaus Unius y Canadá.

A cabernet franc ye mas luchera que a cabernet sauvignon,^[1] y produce un luminoso y claro vin tinto^[2] que contribuye a la finura y deixa una aroma a pimenta en mezclar-se con ugas mas robustas. Pendendo d'a rechión en a que creixe y d'o estilo d'o vin, puet tener aromas adicionals como tabaco, chordón, pimento, pilipaina y vrioletas.

Os exitos d'a cabernet franc en Bordeus se remontan a zaguerías d'o sieglo XVIII, encara que ha estau plantada en a Loira dende muito antis. Os analisis d'ADN indican que a cabernet franc ye un d'os pais d'a cabernet sauvignon, a merlot y a carménère.^[3]

En Aragón ye una d'as variedaz tintas autorizadas en os vins d'a Indicación Cheografica Protechida Vin d'a Tierra Valle d'a Cinca.

1. ↑ (en) DNA analysis reveals mysterious past of Cabernet Sauvignon. Discovery Channel
2. ↑ (en) Cabernet Franc
3. ↑ (en) Wine Grapes: A complete guide to 1,368 vine varieties, including their origins and flavors. Jancis Robinson, Julia Harding y José Vouillamoz. Reino Uniu, 2013. Pach. 347-348. ISBN 978-1-846-14446-2