Cadiello[1][2][3] (d'o latín <CATELLU[4], que significal o mesmo) ye a denominación chenerica que reciben, en aragonés, as crías de curta edat de os mamiferos incluius en a orden Carnivora, que incluye bellas especies domesticas y comuns, como o can y o gato. Caso d'estar un animal encara lactant, o cadiello recibe lo nombre especifico de "cadillón".[1]
A la inversa que os herbivoros, os mamiferos carnivoros tienen fillos poco desembolicaus cuan naixen, a sobén pandos y ciegos, que precisan que su mai se faiga niedo en bel puesto bien guardau ta librar-los (un cado u bel forau a on que sían bien cubillaus) y les i dé teta dica que son un poquet mas grandez, ta que no sían victimas de belatros depredadors. Se desenrollan despaciet, y precisan a protección de su mai mas tiempos, por o que os cadiellos d'as especies domesticas gosan estar muit apreciaus como animals de companya.
- ↑ 1,0 1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (es) Brian Mott: El habla de Gistaín, Instituto de Estudios Altoaragoneses, 1989, ISBN 84-86856-15-9, p.135.
- ↑ (es) Mariano Peralta Horte: Ensayo de un diccionario aragonés-castellano, 1853, ISBN 978-1168692238, p.30.
- ↑ (es) Brian Leonard Mott: Diccionario etimológico chistabino-castellano castellano-chistabino. Institución Fernando el Católico, Zaragoza, 2000. ISBN 84-7820-553-5.