Carpe diem

Carpe diem ye parti d'a frase latina carpe diem quam minimum credula postero -literalment: "replega o día tasament confitata en o venient"-, sacada de una d'as Odas d'Horacio (65 aC-8 aC), con numbrosas traduccions posibles: "replega o día" (traducción literal), "espleita o present", "vive iste día", "aproveita o día" u "aproveita l'inte". O poeta latino exhorta a la suya interlocutora Leuconoe a espleitar o placer que a vida li ufre en cada inte. En o contexto d'a decadencia d'o Imperio Romano, ista frase resumiba l'ideal horaciano -d'orichen estoico-epicurio- d'aproveitar o que bi'n ha de bueno en cada inte, ya que lo futuro ye incierto. Manimenos, ista frase se repite a ormino con o sentiu inexacto de convidar ta la vida goyosa y monguilana.