Cine d'artes marcials

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O cine d'artes marcials ye un chenero cinematografico en o cual l'elemento esencial d'a cinta son as artes marcials. En iste chenero la preocupación principal ye d'amostrar as escenas de luita y gosan tener una trama argumental prou simpla y a on predomina lo maniqueísmo, estando o protagonista d'a cinta a representación d'o bien mas absoluto en luita contra lo mal y emplegando nomás que las suyas habilidaz tecnicas d'a luita como arma en ixa luita. En o cine europeu, o cine estausunidense y lo cine latino-americano iste chenero no gosa estar muit diferenciau y se gosa veyer como una mena de subchenero d'o cine d'esportes y recibir nombres populars como cine de kung-fu u cine de karate; tanimientres, en o cine asiatico (y especialment en o cine chinés, o cine sudcoreano y lo cine chaponés) o cine d'artes marcials se considera como cuasi equivalent cultural a lo cine de capa y espada en as culturas occidentals (en o sentiu de resaltar as caracteristicas de caballerosidat y aventura d'o cine de capa y espada en as cintas d'artes marcials) y se diferencian muitos tipos d'artes marcials en as cintas d'o chenero.