Didal

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un didal^[1][2][3] u dital ye un traste utilizau en costura que sirve pa empentar l'agulla cuan se da una puntada.

O didal ye un cubilet de chicotas dimensions que se fica en un d'os didos d'a man, cheneralment en o dido cordial u l'anular, y s'emplega pa exercer presión sobre l'agulla en o proceso de costura. O didal ye fabricau en materials richidos como que metal, o que permite empentar l'agulla sin punchar-se o dido. Pa facilitar a operación, ye cubierto d'oscas en toda a suya superficie pa emparar l'agulla con seguranza sin que esvare.

1. ↑ (es) Brian Mott El habla de Gistaín, Instituto de Estudios Altoaragoneses, 1989, ISBN 84-86856-15-9, p.121
2. ↑ (es) María Pilar Benítez Marco L'ansotano. Estudio del habla del Valle de Ansó, Gubierno d'Aragón, 2001, ISBN 9788477538554, p.300
3. ↑ (es) Francisco Bruballa Angusto Vocabulario del habla de La Puebla de Castro, Instituto de Estudios Altoaragoneses, 2009, ISBN 978-84-8127-214-7, p.140