Back Разкриване (филм) Bulgarian Assetjament (pel·lícula de 1994) Catalan Disclosure Welsh Enthüllung (1994) German Αποκαλύψεις (ταινία) Greek Disclosure (1994 film) English Disclosure Spanish Disclosure (1994ko filma) Basque افشاگری (فیلم) Persian Harcèlement (film) French
- Iste articlo ye sobre una cinta de cine d'intriga dramatica de cine estausunidense enguerada en 1994; ta atros usos, se veiga Disclosure y Disclosure (cinta).
Disclosure (títol orichinal en anglés, en aragonés Divulgación, enguerada en Aragón con o títol d'Acoso) ye una cinta de cine estausunidense de cine d'intriga dramatica enguerada l'anyo 1994, dirichida por Barry Levinson seguntes un guión adaptau por Paul Attanasio (basau en Disclosure, una novela publicada por Michael Crichton ixe mesmo anyo 1994), con una banda sonora orichinal d'Ennio Morricone, una dirección de fotografía de Tony Pierce-Roberts, una producción cinematografica de Michael Crichton y Barry Levinson ta las productoras Warner Bros., Baltimore Pictures y Constant c Productions y un elenco d'actors formau por Michael Douglas, Demi Moore, Donald Sutherland, Caroline Goodall, Dennis Miller, Roma Maffia, Dylan Baker, Rosemary Forsyth, Suzie Plakson, Nicholas Sadler, Jacqueline Kim, Kate Williamson, Donal Logue, Farrah Forke, Allan Rich, David Drew Gallagher y Trevor Einhorn, entre d'atros.
Bob Garvin, fundador d'una empresa de tecnolochía informatica clamada DigiCom, ye casau y aspera pasar a la retreta dimpués d'a fusión d'a empresa con una atra d'o sector que li fará rico. Tom Sanders ye un executivo d'ixa empresa que aspera un ascenso pero se troba con que Meredith Johnson, una antiga novia, ha estau esleyida ta dirichir a fusión y veye periglar o suyo propio treballo. Meredith li da cantarias y prencipian una torrida escena de sexo, con Meredith practicando-le sexo oral. Tanimientres, Tom ye casau felizment y opta por frenar la continación d'o sexo, y Meredith reacciona afirmando que l'ha intentau violar. Amás, destapa en bel meyo d'una reuión sobre la fusión con l'atra interpresa muits problemas d'o prencipal producto d'a empresa y resulta que lo responsable d'a fabricación d'ixe producto ye chustament Tom. Dabant d'a menaza de dar-li palleta, Tom decide contraatacar y contracta a una avogada ta que lo represente, a la vegada que prencipia a comprender que en realidat ixa situación sobre lo presunto acoso amaga la realidat de que lo problema ye que lo fan servir ta camuflar os problemas d'a fabricación d'o producto d'a ilesia. Y en ixa labor conta con una aduya anonima, de bel un que li ninvía de contino correus electronicos anonimos, amás de l'aduya d'o responsable d'a fabrica d'o producto rn Malaisia, a qui ha feito bels favors.
A cinta s'ambienta en a suya epoca actual (1994) en Seattle (Washington) y las suyas escenas se filmoron en Bainbridge Island y Seattle (Washington) amás d'en os Warner Brothers Burbank Studios en Burbank (California).[2]
Ye una cinta que ha recibiu bels premios y nominacions, pero garra d'éls no fa parte d'os prencipals u mas destacaus premios cinematograficos.