Ed Asner | |
---|---|
![]() Asner de 2017 | |
Información personal | |
Nombre real | Eddie Asner |
Calendata naiximiento: | 15 de noviembre de 1929 |
Puesto naiximiento: | ![]() |
Calendata muerte: | 29 d'agosto de 2021 |
Puesto muerte: | ![]() |
Ocupación: | Actor |
Conchuche: | Nancy Sykes (1959–1988) Cindy Gilmore (1998–2007) |
Eddie Asner, naixiu de Kansas City (Missouri) o 15 de noviembre de 1929 y muerto en Los Ángeles, California o 29 d'agosto de 2021, fue un actor estausunidense activo en o cine estausunidense dende meyaus d'os anyos 1950 y conoixiu por a suya interpretación de Lou Grant en a serie d'o mesmo nombre. A vegadas ye confundiu o nombre d'iste personache con o suyo nombre propio.
President d'o Screen Actors Guild (o Sindicato d'Actors) en 1981-1985, ye muit conoixiu por a suya interpretación d'o personache de Lou Grant en The Mary Tyler Moore Show y en o suyo spin-off Lou Grant mientres os anyos 1970 y primerías d'os anyos 1980.
D'entre a suya filmografía, se puet destacar as suyas interpretacions en bellas cintas como El Dorado (1967, Howard Hawks), The Girl Most Likely to... (1973, Lee Philips), u Fort Apache, The Bronx (1981, Daniel Petrie). Tamién ha partecipau fendo chicoz papels en cuantas atras series de televisión.
Cal destacar que estió tamién un activista liberal, participando en protestas a favor d'os sindicatos, en contra d'a pena de muerte, contra o president Ronald Reagan, a Guerra d'Iraq y o imperialismo estausunidense basau en a guerra perpetua, por o que muitos productors y directors no quereban treballar con él. A serie Lou Grant fue cancelada por a suya relación con l'activismo.[1][2]