Erinaceus europaeus

Erinaceus europaeus
Un arizón d’Europa (Erinaceus europaeus).
Denominacions populars
Arizón d’Europa [1], arizón común [2]
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Mammalia
Orden:	Eulipotyphla
Familia:	Erinaceidae
Chenero:	Erinaceus
Especie:	E. europaeus
Descripción
Erinaceus europaeus Linné, 1758
Distribución cheografica
Distribución de l'arizón d’Europa.

L'arizón d’Europa (Erinaceus europaeus (Linné, 1758)^[3]) ye una especie de mamifero insectivoro d'a orden d'os Eulipotyphla y familia Erinaceidae que tien tot o suyo cuerpo, con excepción d'a suya tripera, recubierto de pugas.

L'arizón d'Europa ye nativo d'Europa dende a peninsula iberica y Italia enta lo norte dica Escandinavia y enta l'ueste dica as Islas Britanicas.^[4] Ye una especie por un regular comunament y ampla distribuyida que puede sobrevivir en una ampla gama de tipos d'habitats.

L'arizón d'Europa tien color parda con a mayor parti d'o suyo cuerpo cubierto per dica 6.000 pugas pardas y blancas.^[5] A longaria d'o tozuelo y o cuerpo ye de ~ 160 mm en l'esbezo, y aumenta dica 260 mm u mas en adultos grans. Tien una coda extremadament curta, tipicament de 20 a 30 mm.^[6] Lo peso augmenta d'arredol de 120 g en l'esbezo dica mas de 1.100 g en a edat adulta. Lo peso maximo rechistrau ye de 2.000 g, encara que poquez especímens silvestres superan os 1.600 g mesmo d'agüerro. Lo peso d'os adultos de verano ye tipicament bella cosa menor que d'agüerro, con un promeyo d'arredol de 800 g y pesos adultos comunament tan baixos como 500 g.^[7] Os masclos tienden a estar un mica mas grans que as fembras, pero as diferencias sexuals en o peso corporal se veyen eclipsadas per una grandiza variación estacional.

1. ↑ (an) Rafel Vidaller Tricas: Lista patrón d'os nombres d'os mamifers terrestres ibericos en aragonés (I), en Fuellas, num. 249, Consello d'a Fabla Aragonesa, 2019, ISSN 1132-8452, pp. 10-15.
2. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
3. ↑ (la) Linnaeus. 1758. Naturae per regna tria naturæ, secundum classes, ordines, genera, species, cum characteribus, differentiis, synonymis, locis, Tomus I. Editio decima, reformata. Holmiæ: impensis direct. Laurentii Salvii. i–ii, 1–824 pp
4. ↑ (en) S. Harris y D.W. Yalden: Mammals of the British Isles: Handbook, 4^{enaz/sup> edición. The Mammal Society, Southampton, 2008.}
5. ↑ (en) P.A. Morris: The New Hedgehog Book. Whittet Books, Londres, 2006.
6. ↑ (en) S. Harris y D.W. Yalden: Mammals of the British Isles, Handbook, 4^ena edición, 2008. Mammal Society, Southampton. pp.241-249.
7. ↑ (en) C.R. Dickman: Age-related dietary change in European hedgehog, Erinaceus europaeus, en Journal of Zoology, 215: 1–14, 1088.