Fury (cinta de 2014)

Iste articlo ye sobre una cinta estausunidense de cine belico; ta atros usos, se veiga Fury y Fury (cinta).

Fury
Títol	Fury
Ficha tecnica
Dirección	David Ayer
Dirección artistica	Phil Harvey Peter Russell Steve Saklad Mark Scruton
Producción	Bill Block David Ayer Ethan Smith John Lesher
Disenyo de producción	Andrew Menzies
Guión orichinal	David Ayer
Musica	Steven Price
Fotografía	Roman Vasyanov
Montache	Dody Dorn Jay Cassidy
Escenografía	Lee Gordon Malcolm Stone
Vestuario	Maja Meschede Anna B. Sheppard Owen Thornton
Casting	Lindsay Graham Mary Vernieu
Actors	Brad Pitt Shia LaBeouf Logan Lerman Michael Peña Jon Bernthal Jason Isaacs Brad Henke Jim Parrack Xavier Samuel Scott Eastwood Kevin Vance Anamaria Marinca Alicia von Rittberg
Color	Panavision
Datos y cifras
País(es)	Estaus Unius China
Anyo	2014
Debantadera	15 d'octubre de 2014 Washington, DC (Estaus Unius)[1] 21 de noviembre de 2014 China[1]
Chenero(s)	Cine belico
Durada	135 min.
Idioma(s)	Anglés Alemán Castellano
Companyías
Productora(s)	Columbia Pictures QED International LStar Capital Le Grisbi Productions Crave Films
Distribución	Sony Pictures Releasing
Estudio(s)	Pinewood Studios
Presupuesto	68-80 millons de dólars
Recauto	211,8 millons de dólars
Informacions en bases de datos especializadas:

Fury (títol orichinal en anglés, en aragonés Furia, enguerada en Aragón con o títol en castellano de Corazones de acero, en aragonés Corazons d'acero) ye una cinta de cine belico coproducida por o cine estausunidense y lo cine chino enguerada l'anyo 2014, dirichida por David Ayer seguntes un guión orichinal d'él mesmo, con una banda sonora orichinal de Steven Price, una dirección de fotografía de Roman Vasyanov, una producción cinematografica de Bill Block, David Ayer, Ethan Smith y John Lesher y un elenco d'actors formau por Brad Pitt, Shia LaBeouf, Logan Lerman, Michael Peña, Jon Bernthal, Jason Isaacs, Brad Henke, Jim Parrack, Xavier Samuel, Scott Eastwood, Kevin Vance, Anamaria Marinca y Alicia von Rittberg, entre d'atros.

En abril de 1945 mientres a Segunda Guerra Mundial, as tropas d'os Aliaus dentran en o Tercer Reich en a invasión d'Alemanya por os Aliaus occidentals y troban una cerenya resistencia. Don "Wardaddy" Collier ye un sarchento d'a 2^nda División Blindada de l'exercito estausunidense que diriche un M4 Sherman con a mesma tripulación dende la campanya d'Africa d'o Nortepero en morir en combat un d'os miembros d'a tripulación lis ninvían a Norman Ellison, un choven soldau que dica l'inte yera destinau en oficinas y que fueras d'a maquina d'escribir no conoix muita cosa de l'exercito. Os atros miembros d'a tripulación lo desabantan en estar novato pero tamién por a suya aversión a la violencia, y de feito cuan troban a un grupo de chóvens d'as Hitlerjugend (as Choventuz Hitlerianas) no fa l'aviso ta que no disparen sobre éls pero los alemans emplegan un "panzerfaust" destruyindo lo tanque d'o chefe d'a columna y matando-lo, convertendo-se asinas Don en o nuevo chefa d'a columna. En dentrar en a chicota localidat de Kirchohsen, conoixen a dos mesachas, Irma y Emma, y Norman remata tenendo relacions sexuals con Emma, que muere bien luego en un bombardeyo de l'artillería alemana, quedando colapsau. Dimpués tornan a luitar, ista vegada contra un Tiger I alemán, que destruye tres tanques estausunidenses antes d'estar a la vegada destruyiu por o tanque de Don. En a batalla lo suyo tanque ha perdiu a radio y no pueden demanar refuerces, pero Don consigue que se queden, encara que lo suyo tanque ya ye immobilizau. Cuan un grupo de Waffen SS plegan en o tanque immobilizau esclata una cerenya batalla.

A cinta s'ambienta en l'actual Baixa Saxonia en 1945 mientres a Segunda Guerra Mundial y las suyas escenas se filmoron en Hemel Hempstead (Hertfordshire), Watlington (Oxfordshire) y Londres (Gran Londres), amás d'en os Pinewood Studios en Buckinghamshire, en o Reino Uniu, y en Los Angeles en os Estaus Unius.^[2]

Fury ye una cinta que ha recibiu cuantos premios y nominacions, encara que garra d'éls no fa parte d'os premios cinematograficos mas conoixius u destacaus.

1. ↑ ^{1,0 1,1} (en) Engueri de Fury] en Internet Movie Database.
2. ↑ (en) Localizacions de Fury en Internet Movie Database.