Back إنديانا جونز ومعبد الهلاك Arabic انديانا جونز ومعبد الهلاك ARZ İndiana Cons və tale məbədi Azerbaijani Індыяна Джонс і храм лёсу Byelorussian Индиана Джоунс и храмът на обречените Bulgarian ইন্ডিয়ানা জোন্স অ্যান্ড দ্য টেম্পল অব ডুম Bengali/Bangla Indiana Jones i el temple maleït Catalan ئیندیانا جۆنز و پەرستگاری مەرگ CKB Indiana Jones a chrám zkázy Czech Indiana Jones and the Temple of Doom Welsh
- Iste articlo ye sobre una cinta estausunidense de 1984 de cine d'aventuras y acción; ta atros usos, se veiga Indiana Jones and the Temple of Doom (desambigación).
Indiana Jones and the Temple of Doom (títol orichinal en anglés, en aragonés Indiana Jones y lo templo maldito, enguerada en Aragón con o suyo títol traduciu enta lo castellano como Indiana Jones y el templo maldito) ye una cinta de cine estausunidense de cine d'aventuras y cine d'accción de l'anyo 1984 dirichida por Steven Spielberg seguntes un guión adaptau por Willard Huyck y Gloria Katz (basau en una historia de George Lucas), con una banda sonora orichinal de John Williams, una dirección de fotografía de Douglas Slocombe, una producción cinematografica de Robert Watts ta la productora cinematografica Lucasfilm Ltd. y un elenco d'actors formau, entre d'atros, por Harrison Ford, Kate Capshaw, Amrish Puri, Roshan Seth, Philip Stone y Ke Huy Quan.
En ista cinta, que ye la segunda d'a franquicia Indiana Jones dimpués de Raiders of the Lost Ark (1981, Steven Spielberg), o protagonista d'a mesma, l'arqueologo Indiana Jones, plega en a India en tiempos d'o Raj Britanico, a on os habitants d'un lugarón perdiu li piden aduya ta recuperar una piedra machica que amenistan ta lo suyo culto y que lis han robau, a lo mesmo tiempo que los suyos fillos son secuestraus y esclavizaus ta treballar en unas minas. Indiana marcha enta lo palacio d'a rechión, d'a on parixe que provién toda ixa maldat. A cita se concibe tecnicament como una precuela de Raiders of the Lost Ark y s'ambienta en Xangai en China y en la India en l'anyo 1935. As suyas escenas se filmoron en Kandy (Provincia Central, Sri Lanka), en Macau en China, en os Elstree Studios en Hertfordshire en o Reino Uniu y en California, Arizona, Florida y Washington en Estaus Unius.[2]
Ye una cinta que ha recibiu cuantos premios y nominacions, en destacando un Premio Oscar (Millors Efectos Visuals) y una atra nominación (Millor Banda Sonora Orichinal) en a suya 57ena edición u un Premio BAFTA (Millors Efectos Especials) y tres nominacions (Millor Fotografía), Millor Montache) y Millor Soniu) en a suya 38ena edición.