Isaac Asimov

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Isaac Asimov
Isaac Asimov en 1965.
Información personal
Calendata de naixencia	2 de chinero de 1920
Puesto de naixencia	Petróvichi, (Republica Socialista Federativa Sovietica de Rusia).
Calendata de muerte	6 d'abril de 1992
Puesto de muerte	Nueva York, (Estaus Unius)
Ocupación	Escritor, novelista, historiador y bioquimico.
Conchuche	Janet Asimov (1973-1992)
Obras	Foundation series Robot series I, Robot The Bicentennial Man

Isaak Yúdovich Ozímov (en ruso Исаак Юдович Озимов) mas conoixiu como Isaac Asimov naixiu de (Petróvichi, Republica Socialista Federativa Sovietica de Rusia o 2 de chinero de 1920 y muerto en Nueva York, Estaus Unius o 6 d'abril de 1992), estió un escritor y bioquimico de nacionalidat estausunidense d'orichen ruso. De conchuntas con Robert A. Heinlein y Arthur C. Clarke, estió considerau en vida como un d'os mas grans escritors de ciencia ficción.^[1]

Estió profesor de bioquimica en a Facultat de Medicina d'a Universidat de Boston pero ye conoixiu prencipalmento por estar un divulgador cientifico y escritor muit prolifico d'obras cientificas, historia, ciencia ficción y suspense entre d'atros temas. A suya obra consta de mas de 500 publicacions y 9.000 cartas y postals.

A suya obra mas famosa ye a Saga d'a Fundación, tamién conoixida como Trilochía u Ciclo de Trántor, que ye parte d'a serie de l'Imperio Galactico y que mas tarde combinó con a suya atra gran serie sobre os robots. Tamién escribió obras de misterio y fantasía, asinas como una gran cantidat de textos de no ficción. Os suyos treballos han estau publicaus en 9 d'as 10 categorías d'o Sistema Dewey de clasificación.

Gran parte d'os suyos libros de divulgación explican os conceptos cientificos seguindo una linia historica, retrotrayendo-se lo mas posible a tiempos en que a ciencia en cuestión se trobaba en una etapa elemental. A ormino brinda a nacionalidat, as calendatas de naixencia y muerte d'os cientificos que menciona, asinas como as etimolochías d'as parolas tecnicas.

Teneba tal espanto a volar que nomás viachó en avión dos vegadas en toda a suya vida, lo que le fació pensar que podeba padeixer de acrofobia. Igualment padeixeba claustrofilia, l'opuesto d'a claustrofobia, ye decir, le feban goyo os puestos chicoz y zarraus.

En 1981 se nombró un asteroide como (5020) Asimov, en a suya honor.

1. ↑ Los tres autores más destacados de ciencia ficción