Lista de primers ministros de Noruega

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ista ye una lista de virreis (visekonge), gubernadors (rigsstatholder), primers ministros (førstestatsråd) y ministros d'estato (statsminister) de Noruega.

Dica 1873, o rei d'a unión personal entre Suecia y Noruega gubernó Noruega por meyo de dos gabinez: uno d'els en Estocolmo, a capital de Suecia, y l'atro en Christiania (hue Oslo), a capital de Noruega. O gabinete d'Estocolmo yera formato por un primer ministro y dos ministros, y o suyo papel yera treslladar as decisions y proposicions d'o gabinete de Christiania a lo rei de Suecia.

O gabinete en Christiania yera dirichito por un gubernador (rigsstatholder). A vegatas, o prencipe hereu de Suecia fue nombrato virrei de Noruega por o rei, estando asinas a principal autoridat en Christiania.

Sindembargo, si o rei yera present en Christiania, asumiba a prencipal autoridat, desplazando asinas a o virrei. Antiparte, si no bi heba garra gubernador, virrei u rei present en Christiania o Gabinete yera presidito por un clamato primer ministro, que yera en realidat o mas destacato d'os ministros.

En chulio de 1873, o cargo de gubernador fue sumprimito (yera vacant dende 1856), y o cargo de primer ministro en Christiania pasó a estar un cargo real de primer ministro de Noruega. Encara que o puesto de primer ministro noruego en Estocolmo encara existiba, o poder residiba en o primer ministro en Christiania. Cuando l'Unión entre Suecia y Noruega fue disuelta en 1905, o cargo de primer ministro en Estocolmo simplament deixó d'existir.