Mario Vargas Llosa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mario Vargas Llosa
Información personal
Calendata de naixencia	28 de marzo de 1936
Puesto de naixencia	Arequipa (Perú)
Ocupación	Escritor y novelista
Conchuche	Julia Urquidi Illanes (1955–1964) Patricia Llosa (1965–presente)
Fillos	Álvaro Vargas Llosa Gonzalo Vargas Llosa Morgana Vargas Llosa
Pachina web	http://www.mvargasllosa.com

Jorge Mario Pedro Vargas Llosa (Arequipa, 28 de marzo de 1936), mas conoixiu como Mario Vargas Llosa, ye un escritor y novelista peruano^[1] Se tracta d'uno d'os mas importants novelistas y asayistas contemporanios en luenga espanyola. En l'anyo 2010 se l'atorgó o Premio Nobel de Literatura, «por a suya cartografía d'as estructuras de poder y as suyas imáchens mordaces d'a resistencia de l'individo, a suya revuelta, y a suya redota»,^[2][3] tamién ha ganau, entre atros, o Premio Cervantes (1994) y o Premio Prencipe d'Asturias d'as Letras (1986).

Vargas Llosa aconsiguió a fama en os anyos 1960 con novelas como La ciudad y los perros (1962) (A ciudat y os cans), La casa verde (1965) (A casa verda), y Conversación en La Catedral (1969). Encara hue contina escribindo a-saber-lo en cuantos cheneros literarios, incluyindo-ie a critica literaria y o periodismo. Entre as suyas novelas se contan comedias, novelas policiacas, novelas historicas y politicas. Cuantas d'ellas, como Pantaleón y las visitadoras (1973) y La tía Julia y el escribidor (1977), s'han adaptau y levau ta o cine.

Muitas d'as obras de Vargas Llosa son chupidas d'a percepción que tien o escritor d'a sociedat peruana y por as suyas propias experiencias como peruano. Manimenos, ha ixamplau o suyo repertorio y tractau temas d'atras partes d'o mundo. Ha gosau vivir en Europa (Espanya, Reino Uniu y Francia) la mas gran parte d'o tiempo dende 1958 en o prencipio d'a suya carrera literaria, obtenendo a nacionalidat espanyola en chulio de 1993, fendo que en a suya obra se veiga una fuerte influencia europea.

Igual como atros autors latinoamericanos, Vargas Llosa ha estau politicament activo entre toda a suya carrera. Estió candidato a la presidencia d'o Perú en 1990 por o partiu de centro-dreita Frente Democrático (FREDEMO).

1. ↑ Tamién tien a nacionalidat espanyola; cf. Real Decreto 1083/1993, de 2 de chulio.
2. ↑ "The Nobel Prize in Literature 2010". Nobelprize. 7 d'octubre de 2010. http://nobelprize.org/nobel_prizes/literature/laureates/2010/. Retrieved 7 d'octubre de 2010. 
3. ↑ Mario Vargas Llosa gana el premio Nobel de Literatura 2010.