Mercau

O termin mercau^[1]^{[nota 1]} en economía tien dos acepcions prencipals, una indica o puesto (tamién en sentiu fegurau) a on se reyalizan os intercambios economico-comercials de materias primas, biens, servicios, diners, instrumentos financiers etc, a segunda se refiere a o mecanismo institucional por meyo d'o cual se desenvolica un comercio.^[2]

Os diferents mercaus se pueden clasificar seguntes os criterios siguients:

Grau de concentración: numero d'interpresas u vendedors que i hai en o mercau. Tamién o numero de demandants.
Influyencia sobre o pre: os pres pueden estar marcaus por o mercau u puet estar que as interpresas i puedan influyir.
Grau d'homocheneidat/ tipo de producto: un mercau ye homochenio cuan os productos son intercambiables.
Intensidat de competencia: a tensión en que as interpresas luitan adintro d'o mercau por vender mas.
Grau de transparencia / información perfecta u imperfecta: información de que disponen tanto vendedors como crompadors sobre o producto que se vende en o mercau.
Barreras de dentrada u salida: obstaclos que impedisen salir u dentrar en o mercau (un paradigma de barrera son os arancels).

↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ (it) Conrad M. Arensberg, Harry W. Pearson, Karl Polanyi, Traffici e mercati negli antichi imperi: le economie nella storia e nella teoria,cap. W. Neale Il mercato nella teoria e nella storia, Torino, Einaudi, 1978.(1957)

Error en a cita: Existen etiquetas <ref> ta un grupo clamau "nota", pero no se trobó garra etiqueta <references group="nota"/>