Back ميسنغ إن أكشن (فيلم) Arabic ميسنج ان اكشن ARZ İtkin düşmüşlər (film, 1984) Azerbaijani Хыпарсăр çухалнисем CV Missing in Action Welsh Missing in Action (Film) German Missing in Action (film) English Missing in Action Spanish Missing in Action (filma) Basque عملیات جنگی (فیلم ۱۹۸۴) Persian
Missing in Action (títol orichinal en anglés, en aragonés Desapareixiu en acción, enguerada en Aragón con o títol en castellano de Desaparecido en combate, en aragonés Desapareixiu en combat) ye una cinta de cine estausunidense de cine d'acción enguerada l'anyo 1984, dirichida por Joseph Zito seguntes un guión adaptau por James Bruner (basau en una historia de John M. Crowther y Lance Hool), con una banda sonora orichinal de Jay Chattaway, una dirección de fotografía de João Fernandes y una producción cinematografica de Menahem Golan y Yoram Globus ta las productoras The Cannon Group y Golan-Globus Productions. Conta con un elenco d'actors d'o cual en fan parte, entre d'atros, os actors Chuck Norris, M. Emmet Walsh, David Tress, Lenore Kasdorf, Ernie Ortega, James Hong, E. Erich Anderson, Pierrino Mascarino, Joseph Carberry, Avi Kleinberger, Willie Williams, Bella Flores y Augusto Victa.
James Braddock ye un antigo coronel de l'exercito estausunidense que pasó una mica mas de dos anyos engarcholau en un campo de presoneros en Viatnam en rematar a guerra de Vietnam y d'o cual fa agora 10 anyos que logró fuyir-ne. Alavez recibe una invitación ta acompanyar a una delegación estausunidense a Ciudat Ho Chi Minh que va a investigar sobre lo terreno as informacions que afirman que encara bi ha en o país presoneros de guerra estausunidenses engarcholaus. Tanimientres, bien luego constata que la suya presencia ye nomás que un enganyufle en buscar que la suya presencia avale l'afirmación de que ya no queda en Vietnam garra presonero estausunidense. Braddock, tanimientres, decide investigar por a suya cuenta, trobando que efectivament encara quedan en o país antigos presoneros de guerra.
Missing in Action s'ambienta en Ciudat Ho Chi Minh y atros lugars de Vietnam y en Tailandia en a epoca actual d'a cinta (1984) y en 1974 en Vietnam; y las suyas escenas se filmoron en Filipinas.[2]