Odoardo Beccari

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Odoardo Beccari
O naturalista y botanico italiano Odoardo Beccari.
Información personal
Calendata de naixencia	16 de noviembre de 1843
Puesto de naixencia	Florencia (Gran Ducau de Toscana, hue Italia)
Calendata de muerte	25 d'octubre de 1920
Puesto de muerte	Florencia (Reino d'Italia, hue Italia)
Ocupación	Naturalista y botanico

Odoardo Beccari, naixito de Florencia (Gran Ducau de Toscana, hue Italia) o 16 de noviembre de 1843 y muerto en Florencia (Reino d'Italia, hue Italia) o 25 d'octubre de 1920, estió un naturalista y botanico italiano.

Se formó en a Universidat de Pisa, a on estió asistent de Botanica de Pietro Savi, y tamién en a Universidat de Bolonya, a on se graduó en 1863, fendo-ie conoixencia con o naturalista chenovés Giacomo Doria. Mientres d'una estancia de 3 anyadas en Sarawak (Malaisia), a on descubrió y catalogó cuantas especies d'insectos y plantas. En tornar a Florencia por a suya malautía de malaria, estió en 1869 l'establidor d'o Nuovo Giornale Botanico Italiano. Tornó a viachar en primeras enta Etiopia, y dimpués enta Nueva Guinea y Indonesia, no tornando a Italia dica 1876; en 1877 tornó a marchar enta India, Malaisia, Australia, Tasmania y Nueva Zelanda, ta marchar dimpués enta Chava y Sumatra, a on descubrió Amorphophallus titanum, a mayor inflorescencia d'o mundo.

En tornar a Florencia en zaguerías de 1878, lo i nombroron director d'o Giardino dei Semplici d'a ciudat, succedindo-ie a Filippo Parlatore, encara que por o suyo caracter independient dimitió en 1879. En 1904 se convertió en miembro de l' Accademia Nazionale dei Lincei.