Psittacula krameri

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Psittacula krameri
Una cotorra de Kramer (Psittacula krameri).
Denominacions populars
cotorra de Kramer [1]
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Aves
Orden:	Psittaciformes
Familia:	Psittaculidae
Chenero:	Psittacula
Especie:	P. krameri
Descripción
Psittacula krameri Scopoli, 1769
Distribución cheografica
Distribución d'a cotorra de Kramer.

A cotorra de Kramer (Psittacula krameri (Scopoli, 1769)^[2]) ye una especie d'au d'a orden d'os Psittaciformes y familia Psittaculidae que nativa d'Africa y India, y que agora s'ha introduciu en muitas atras partis d'o mundo an as poblacions salvaches s'han establiu y se crían pa lo comercio de mascotas exoticas. Como una especie de mascota popular, as aus escapadas han colonizau cuantas ciudaz de tot o mundo, incluyiu lo norte y l'ueste d'Europa. En os Países Baixos, a población salvache en as cuatro arias urbanas mas grans (Amsterdam, Rotterdam, Utrecht y Den Haag) s'estimó en 20 000 aus en 2021. S'estiman dica 5000 parellas en Bruselas d'una población orichinal que estió liberada en 1974 per o propietario d'o zoolochico y parque d'atraccions Meli, amán de l'Atomium, que quereba fer que Bruselas estase mas colorida. En Alemanya, istas aus se troban a lo luengo d'o Rin en as prencipals arias urbanas como Colonia u Düsseldorf. Atras poblacions se troban arredol de París, Roma, Palermo, Chenova, Barcelona y Lisbona.

As cotorras de Kramer son una menaza directa pa las poblacions d'o moriciego mas gran d'Europa, Nyctalus lasiopterus, ya que as cotorras compiten con os moriciegos per os puestos d'anidación y atacan y matan a los adultos antis de colonizar lo suyo habitat.^[3]

Son populars como mascotas y tanto os masclos como as fembras tienen a capacidat d'imitar a fabla humana.

1. ↑ (an) Consello Asesor de l'Aragonés: Informe lumero: 5: Enample d'a lista patrón d'os nombres d'as aus en aragonés, Fuellas 186-187, 2008, pp. 29-33
2. ↑ (en) Jobling, James A (2010). The Helm Dictionary of Scientific Bird Names. London: Christopher Helm. pp. 215, 321. ISBN 978-1-4081-2501-4.
3. ↑ (en) Hernández-Brito, Dailos; Carrete, Martina; Ibáñez, Carlos; Juste, Javier; Tella, José L. (2018). "Nest-site competition and killing by invasive parakeets cause the decline of a threatened bat population". Royal Society Open Science. 5 (5): 172477.