Queenstown (Nueva Zelanda)

Iste articlo ye sobre una localidat de Nueva Zelanda. Ta atros usos se veiga Queenstown.

Queenstown Tāhuna
Localidat de Nueva Zelanda
Queenstown dende lo Bob's Peak.
Estau  • Rechión  • Districto	Nueva Zelanda Otago Queenstown-Lacos
Superficie	25,55 km²
Población  • Total  • Densidat	29000 hab. (2023) 34.700 hab/km²
Codigo postal	9300
Coordenadas	45°01′52″S 168°39′45″E
Queenstown Queenstown en Nueva Zelanda
Web oficial

Queenstown (en maorí Tāhuna) ye una localidat situada en Otago, en o sud-ueste d'a isla Sud de Nueva Zelanda. En chunio de 2016 teneba una población urbana de 14.300 habitants, lo que fa que siga a 27^ena localidat de Nueva Zelanda por o suyo numero d'habitants. En 2016, Queenstown se convertió en a segunda aria urbana d'Otago por población, nomás por dezaga que d'a capital Dunedin.

A ciudat ye construyida arredol d'un grau dito Queenstown Bay en o Laco Wakatipu, un luengo laco con forma de Z formau por os procesos glaciars, y que tien sobrebuenas anvistas d'as montanyas d'a redolada como Kawarau, o pico Cecil, o pico Walter y, chusto dencima d'o lugar, Ben Lomond y Queenstown Hill.

O districto de Queenstown tien una superficie de 8.704,97 km² sin incluyir-ie los lacos (laco Hāwea, laco Wakatipu y laco Wanaka). A rechión tien una población estimada de 34.700 habitants (chunio de 2016). As localidaz vecinas incluyen Arrowtown, Glenorchy, Kingston, Wanaka, Alexandra y Cromwell. As ciudaz mas amanadas son Dunedin y Invercargill. Queenstown ye conoixida por estar orientada a o turismo, mas que mas os esportes de nieu y aventura.