Remiz pendulinus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Remiz pendulinus
Un peduquero (Remiz pendulinus).
Denominacions populars
peduquero [1], peduco, pealero, pialero, bolsero, botellero, alaiguero, culicaigas [2], barzero [3]
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Aves
Orden:	Passeriformes
Familia:	Remizidae
Chenero:	Remiz
Especie:	R. pendulinus
Descripción
Remiz pendulinus Linnaeus, 1758
Distribución cheografica
Distribución d'o peduquero.

O peduquero (Remiz pendulinus (Linnaeus, 1758)^[4]) ye una especie d'au d'a orden d'os Passeriformes y familia Remizidae que mide entre 10 y 11,5 cm de luengo con un pico finament punchigudo y una coda relativament larga. O suyo tozuelo ye de color grisa clara con una mascareta negra a traviés d'o uello. Os sexos son muit semellants en apariencia, manimenos o masclo tien una mascareta mas ampla y una esquena mas royisca.

Lo suyo niedo ye una gran estructura colgant en forma de pocha, d'arredol de 25 cm d'altaria y 17 cm de diametro. Ye feito de fibras vechetals, hierba, pelo y lana con un tubo de dentrada en un lateral. Toz dos sexos contribuyen a la suya construcción que prene arredol de 20 días.

Per un regular mincha insectos y arainas, pero tamién mincha simients.

1. ↑ (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals,Ed. Val d'Onsera, 2004, ISBN 978-84-8986-235-7, p.131
2. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
3. ↑ (es) Chesús de Mostolay: EL SOMONTANÉS Diccionario de voces y expresiones, Albama Literaria, 2022, ISBN 978-84-09-41341-6, p.100
4. ↑ (en) Jobling, James A. (2010). The Helm Dictionary of Scientific Bird Names. London: Christopher Helm. pp. 296, 333. ISBN 978-1-4081-2501-4.