Rhinoceros unicornis

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Rhinoceros unicornis
Un rinoceront indio (Rhinoceros unicornis).
Denominacions populars
rinoceront indio [1]
Estau de conservación
Vulnerable (IUCN)
Clasificación cientifica
Reino:	Animalia
Filo:	Chordata
Clase:	Mammalia
Orden:	Perissodactyla
Familia:	Rhinocerotidae
Chenero:	Rhinoceros
Especie:	R. unicornis
Descripción
Rhinoceros unicornis Linnaeus, 1758
Distribución cheografica
Distribución d'o rinoceront indio. Color rosa: aria historica, color roya: aria actual.

O rinoceront indio (Rhinoceros unicornis (Linnaeus, 1758)^[2]) ye una especie de mamifero d'a orden d'os Perissodactyla y familia Rhinocerotidae que ye una especie de rinoceront nativa d'o subcontinente indio. As suyas poblacions son esflecadas y restrinchidas a menos de 20.000 km2. Amás, se considera que a extensión y a calidat de l'habitat mas important d'iste rinoceront, a sabana aluvial Terai-Duar y os feners y os selvas riberanas, son en baxada a resultas de l'invasión humana y ganadera. En agosto de 2018, s'estimaba que a población mundial comprendeba 3.588 individuos, incluyius 2.939 en India y 649 en Nepal.^[3] Nomás o Parque Nacional Kaziranga teneba una población estimada de 2048 rinoceronts en 2009. Lo Santuario de Vida Silvestre en Asam tien a mayor densidat de rinoceronts indios en o mundo con 84 individuos en un aria de 38,80 km2 en 2009.

Lo rinoceront indio bella vegada s'extendió per tot o trango d'a plana de l'Indo y lo Gangas, pero a caza excesiva y o desembolique agricola reducioron a suya aria de distribución drasticament a 11 puestos en o norte d'a India y o sud de Nepal. En primerías d'o decenio de 1990, s'estimaba que yeran vivos entre 1.870 y 1.895 rinoceronts.^[4] Dende alavez, as cifras han augmentau a resultas d'as midas de conservación adoptadas per o gubierno. Manimenos, a caza furtiva sigue estando una menaza contina, ya que mas de 150 rinoceronts estioron asasinaus en Assam per cazataires furtivos entre 2000 y 2006.^[5]

Cuasi lo 85 % d'a población mundial de rinoceronts indios se concentra en Asam, an o Parque Nacional Kaziranga contiene o 70 % d'a población de rinoceronts.

1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
2. ↑ (en) Don E. Wilson, Russell A. Mittermeier: Handbook of the Mammals of the World. Volume 2: Hooved Mammals. Lynx Edicions, Barcelona 2011, ISBN 978-84-96553-77-4, pp. 178–179
3. ↑ (en) Ellis, S.; Talukdar, B. (2019). "Rhinoceros unicornis". IUCN Red List of Threatened Species. 2019: e.T19496A18494149. doi:10.2305/IUCN.UK.2019-3.RLTS.T19496A18494149.en
4. ↑ (en) Foose, T. & van Strien, N. (1997). Asian Rhinos – Status Survey and Conservation Action Plan. Gland, Switzerland, and Cambridge, UK: IUCN. ISBN 2-8317-0336-0.
5. ↑ (en) Despite poaching, Indian rhino population jumps by 27 percent in eight years en mongabay.com