Back طفل روزماري (فيلم) Arabic طفل روزمارى ARZ Дзіця Размары (фільм) Byelorussian Бебето на Розмари Bulgarian La llavor del diable Catalan Rosemary's Baby Danish Rosemaries Baby German Το Μωρό της Ρόζμαρι (ταινία) Greek Rosemary's Baby - Nastro rosso a New York EML Rosemary's Baby (film) English
- Iste articlo ye sobre una cinta de terror estausunidense de 1968; ta atros usos, se veiga Rosemary's Baby.
Rosemary's Baby (títol orichinal en anglés, en aragonés O bebé de Rosemary, enguerada en Aragón con o títol en castellano de La semilla del diablo, en aragonés A simient d'o diaple) ye una cinta de cine estausunidense de cine de terror de l'anyo 1968 dirichida por Roman Polanski seguntes un guión adaptau por él mesmo a partir d'a novela Rosemary's Baby d'Ira Levin, que s'heba publicau en 1967. Con una Banda Sonora Orichinal de Krzysztof Komeda, una dirección de fotografía de William A. Fraker y una producción cinematografica a'l cudiau de William Castle ta la suya propia productora cinematografica William Castle Enterprises, en l'elenco d'actors d'a cinta podemos terobar en os suyos papels principals a Mia Farrow, John Cassavetes, Ruth Gordon, Sidney Blackmer, Maurice Evans y Ralph Bellamy.
A cinta conta la historia d'una parella que tiene un fillo y que parixe estar o fillo d'o Diaple, encara que la mai no lo sabe, y s'ambienta en os anyos 1965 y 1966 en a ciudat de Nueva York; as escenas d'a cinta se filmoron en ixa mesma ciudat y en a ciudat de Los Angeles, en California. Se tracta d'una cinta que tenió muito exito de publico y que recibió u fue nominada a cuantos premios, destacando-ne una nominación y un Premio Oscar en a suya 41ena edición (Oscar a la Millor Actriz Segundaria para Ruth Gordon y nominada a l'Oscar a lo Millor Guión Adaptau para Roman Polanski), 4 Premios Globos d'Oro en a suya 26ena edición, un Premio BAFTA y dos Premios David de Donatello.