Back Smokey and The Bandit Welsh Det vilde ræs (film fra 1977) Danish Ein ausgekochtes Schlitzohr German Smokey and the Bandit English Smokey and the Bandit Spanish Smokey and the Bandit Basque اسموکی و بندیت Persian Konna ja Koukku Finnish Cours après moi shérif French Smokey and the Bandit Frisian
Smokey and the Bandit (títol orichinal en anglés, en aragonés Smokey y Bandit, enguerada en Aragón con o títol en castellano de Los caraduras, en aragonés Os caraduras) ye una cinta de cine de comedia d'acción producida por o cine estausunidense enguerada l'anyo 1977, dirichida por Hal Needham seguntes un guión adaptau por James Lee Barrett, Charles Shyer y Alan Mandel (basau en una historia de Hal Needham y Robert L. Levy), con una banda sonora orichinal de Bill Justis y Jerry Reed, una dirección de fotografía de Bobby Byrne y una producción cinematografica de Mort Engelberg y Robert L. Levy. De l'elenco d'a cinta en fan parte Burt Reynolds, Sally Field, Jerry Reed, Jackie Gleason, Mike Henry, Pat McCormick, Paul Williams y Macon McCalman, entre d'atros actors.
Big Enos Burdette ye un cabalero texano que gosa apostar con su fillo sobre l'exito u no de transpoete de 400 caixas de biera dende Texarkana (Texas) dica Atlanta (Cheorchia) en 48 horas, estando ilegal o transporte de biera en bels estaus intermeyos de tal traza que muits han estau arrestaus y garra d'éls no ha conseguir plegar en Atlanta a tiempo. Ista vegada troban a Bo "Bandit" Darville, un pinturesco personache bien conoixiu, y li ufren 80.000 dólars si consigue plegar-ie. Iste accepta y recruta a lo suyo amigo Cledus "Snowman" Snow ta que sía qui conduz lo cambión a la vegada que él viacha en un auto, un Pontiac Firebird, que bloqueyará las posibles accions d'a Policía mientres o trachecto. Nomás prencipiar o viache, en l'auto de "Bandit" puya una mesacha con trache de novia, Carrie, que ye fuyindo d'a suya voda con o fllo una mica ababol de Buford T. Justice, un "sheriff" que dende alavez s'adedica terne que terne a perseguir-los, sin que en primeras "Bandit" en conoixca lo motivo.
A cinta s'ambienta en epoca actual d'a cinta (1977) Texarkana y atros puestos de Texas y en os estaus d'Alabama, Arkansas, Cheorchia y Mississippi, y as suyas escenas se filmoron en Atlanta, Cumming, Helen, Jonesboro, Lithonia, McDonough, Redan, Riverdale y atros puestos de Cheorchia y en Casitas Springs, Los Angeles, Ojai y Ventura (California).[2]
Se tracta d'una cinta que tenió muit exito (estió la segunda cinta con mayor recaudo en os Estaus Unius en 1977, dezaga de Star Wars) y tamién recibió premios y nominacions, en destacando una nominación a los Premios Oscar en a categoría de Millor Montache en a suya 50ena edición y una nominación a los Premios Globos d'Oro en a categoría de Millor Actriz de Musical u Comedia en a suya 35ena edición.