Tabla periodica de Mendeleyev

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O profesor Dmitri Mendeleyev publico a primera tabla periodica d'os elementos en 1869 basandose en propiedaz que apareixeban con regularidat en os diferents elementos quimicos.^[1] Cuan Mendeléyev proposó a suya tabla periodica, paro cuenta de que existiban vueitos en a tabla, y predició que bi heba elementos encara desconoixitos que plenarían ixos vueitos.

Ta nombrar a istos elementos que encara no han estato descubiertos u que encara no han recibito un nombre, se fa servir historicament o prefixo eka- (con u sin guión) adhibito a o nombre de l'elemento que se troba chusto dencima en a tabla periodica. Isto se fa porque os elementos que se troban en o mesmo grupo tienen propiedaz quimicas parellanas. Asinas por eixemplo, mientres un tiempo dende o suyo descubrimiento o neptunio yera conoixito como eka-renio.^[2] O mesmo nombre fue emplegato mas tardi ta o bohrio, cuan se veyió que os actinidos forman una serie a parti en a tabla periodica.

O prefixo, que en sanscrito significa "un" (en o sentito de que l'elemento se troba una posición por debaixo) fue ideyato por Mendeleyev, que lo fació servir ta dar un nombre a os elementos que heban d'ocupar os "foratos" d'a suya tabla periodica. Asinas, creyó os nombres "eka-silicio" (chermanio), "eka-aluminio" (galio) y "eka-boro" (escandio).

1. ↑ Kaji (2002). "D.I.Mendeleev's concept of chemical elements and The Principles of Chemistry". Bulletin for the History of Chemistry 27 (1): 4–16.
2. ↑ (en) Science: Ekarhenium, Time Magazine, 15 aug 1938