Back كل ما هو مطلوب (فيلم) Arabic كل ما هو مطلوب ARZ The Full Monty AST فول مانتی AZB Време за мъже Bulgarian Skidajmo se do kraja BS The Full Monty Catalan The Full Monty Welsh Det' bare mænd Danish Ganz oder gar nicht German
.svg){kind=small}
The Full Monty (títol orichinal en anglés, en aragonés A suma completa, enguerada en Aragón con o suyo títol orichinal) ye una cinta de cine de comedia dramatica coproducida por o cine britanico y lo cine estausunidense enguerada l'anyo 1997, dirichida por Peter Cattaneo seguntes un guión orichinal de Simon Beaufoy, con una banda sonora orichinal d'Anne Dudley, una dirección de fotografía de John de Borman y una producción cinematografica d'Uberto Pasolini ta las productoras Redwave Films y Channel Four Films y que conta con un elenco d'o cual en fan parte, entre d'atros actors, Robert Carlyle, Mark Addy, Tom Wilkinson, Steve Huison, Paul Barber, Hugo Speer, William Snape, Lesley Sharp, Emily Woof, Deirdre Costello, Paul Butterworth, Dave Hill, Bruce Jones, Andrew Livingston, Vinny Dhillon y Kate Rutter.
A meyaus d'os anyos 1990 zarroron as grans industrias metalurchicas de Sheffield, una ciudat en Yorkshire y Humber (Anglaterra), y los suyos treballadors quedoron desemplegaus, provocando una greu crisi economica en a ciudat. Gary "Gaz" Schofield y Dave Horsfall s'adedican a robar ferrincallo en a suya antiga empresa ta obtener una mica de diners sin masiau exito, y Gaz se veya baixo la menaza de perder a posibilidat de mesmo veyer a su fillo Nathan en no poder pagar-li la pensión a su mai, d'a cual ye esvurciau. Tanimientres, siempre busca bella manera d'obtener diners, y cuan veye un anuncio de "striptease" masculino d'o grupo Chippendales tien a ideya de crear un grupo foprmau por hombres locals ta fer lo mesmo con éls y obtener os diners d'a dentrada en un "pub" local. Prencipian a recrutar miembros y lo primero ye Lomper, que treballa como guarda de seguridat en o suyo antigo treballo y lis deixa fer los suyos asayos en a factoría. Tamién recrutan a Gerald Cooper, lo suyo antigo capotaz, ta que lis ensenye bels pasos de baile (encara que iste ye bien preocupau en haber amagau a su muller a suya condición de desemplegau), a Horse, que encara que d'edat abanzada ye un buen bailarín, y a Guy, que encara que no sabe bailar sí que poseye uns grans "atributos".... O grupo se seis amigos prencipia los asayos, pero lo primer problema ye de conseguir as 100 libras que demana de deposito lo duenyo d'o local, y lo segundo ye que cuan son asayando se presenta la Policía en a fabrica y los engarcholan por exhibicionismo. Tot ixo desanima a bels d'os miembros d'o grupo, que cadaguno tien os suyos problemas.
A cinta s'ambienta en a suya epoca actual (1997) en Sheffield (Yorkshire y Humber, Anglaterra) en o Reino Uniu, y las suyas escenas se filmoron en Sheffield (Yorkshire y Humber) y en Chesterfield (Derbyshire).[2]
Se tracta d'una cinta que ha recibiu cuantos premios y nominacions, en destacando un Premio BAFTA a la Millor Cinta y un atro a lo Millor Actor en a suya 51ena edición (amás d'atras ueito nominacions: Millor Director, Millor Actor Segundario, Millor Actriz Segundaria, Millor Guión Orichinal, Millor Montache, Millor Banda Sonora, Millor Soniu y Millor Cinta Britanica); tamién ganó l'Oscar a la Millor Banda Sonora Orichinal de Musical u Comedia y fue nominada a la Millor Cinta, Millor Director y Millor Guión Orichinal en a 70ena edición d'os Premios Oscar.