Back İtalyansayağı oğurluq (film, 1969) Azerbaijani Un treball a Itàlia Catalan The Italian Job (ffilm 1969) Welsh Charlie staubt Millionen ab German Ληστεία αλά Ιταλικά Greek The Italian Job English The Italian Job (película de 1969) Spanish The Italian Job (1969ko filma) Basque کسبوکار ایتالیایی Persian Riehakas ryöstö Finnish
- Iste articlo ye sobre una cinta de cine de comedia policiaca britanica de l'anyo 1969; ta atros usos, se veiga The Italian Job.
.svg){kind=small}
The Italian Job (títol orichinal en anglés, en aragonés O treballo italiano, enguerada en Aragón con o títol en castellano de Un trabajo en Italia, en aragonés Un treballo en Italia) ye una cinta de cine britanico de cine de comedia policiaca enguerada l'anyo 1969, dirichida por Peter Collinson seguntes un guión orichinal de Troy Kennedy Martin, con una banda sonora orichinal de Quincy Jones, una dirección de fotografía de Douglas Slocombe, una producción cinematografica de Michael Deeley ta la productora cinematografica Oakhurst Productions y un elenco d'o cuel en fan parte, entre d'atros actors, Michael Caine, Noël Coward, Benny Hill, Raf Vallone, Tony Beckley, Rossano Brazzi, Irene Handl, John Le Mesurier, Fred Emney, Michael Standing, John Forgeham, George Innes, Harry Baird, Robert Powell, Derek Ware, Frank Jarvis, Stanley Caine y Maggie Blye.
Roger Beckerman ye un ladrón britanico a qui la Mafia asasina en os Alpes en Italia en conoixer que ye preparando un robo en ixe país, en considerar que un albarrano no puet fer un robo en o suyo país. Heba de treballar en ixe robo con Charlie Croker, qui encara se troba en a garchola. Cuan Charlie marcha d'a garchola, contacta con a vídua de Beckerman, qui li encomana que contine él con o plan. Ta ixo contacta con Mr. Bridger, un nacionalista britanico ta que financie lo robo, en convencendo-lo en decir-le que ixe robo fará dentrar diners en o país y equilibrará la balanza de pagos d'o país. Camp Freddie, l'aduyant de Brider, colabora con Charlie en a preparación d'o robo, y iste replega a un destacau grupo d'especialistas, adiestrando-los terne que terne dica que consigue una altisma calidat en as suyas actividaz como ladrons. L'obchectivo d'o robo se troba en Torino pero cuan plegan en Italia se troban tamién con a mafia, que los menaza de muerte, salvando-se nomás que cuan dicen que si éls mueren Bridger fará represalias contra cualsiquier negocio, actividat u propiedat de toz y cualsiquier italiano en o Reino Uniu. Ta conseguir o botín, en forma de lingotes d'oro, en primeras han de dentrar en o rete de control d'o trafico de Torino, con l'obchectivo de provocar una chigantesca atrascada de trafico que bloqueye la persecución d's Policía. Lo robo en sí será bien fácil, o problema estará lograr fuyir dimpués con o botín.
The Italian Job s'ambienta en a epoca actual d'a cinta (1969) en Londres y atros puestos d'o Reino Uniu y en Torino y atros puestos d'Italia, y las suyas escenas se filmoron en una garchola de Dublín y en Bray (condau de Wicklow) en Irlanda, en Torino y atros puestos en o Piemont, en Trento en o Trentino-Alto Adigio y en a Val d'Aosta en Italia y en Coventry (Midlands de l'Ueste), Borehamwood (Hertfordshire), Dover (Kent), Chertsey (Surrey) y Londres y atros puestos d'o Gran Londres en o Reino Uniu, amás d'os Isleworth Studios en Twickenham (Gran Londres), tamién en o Reino Uniu.[2]
A cinta recibió una nominación a los Premios Globos d'Oro en a suya 27ena edición (Millor Cinta Forana en Luenga Anglesa). Tamién estió obchecto d'un "remake" (encara que con un guión diferent inspirau en o d'a cinta orichinal), The Italian Job (2003, F. Gary Gray) y d'un segundo "remake" con a cinta india Players (Abbas–Mustan, 2012).