Viognier

A viognier (prenunciau en francés /vjɔɲje/) ye una variedat d'uga blanca francesa procedent d'a val d'o Roine, Francia.^[1] Difuera de Francia, a viognier puet trobar-se en atros países europeus y en cuantos países d'America. En bellas rechions vinicolas, a viognier ye fermentada chunto con a uga tinta syrah, aportando color y buquet a o vin.^[2]

Igual que a chardonnay, a viognier tien potencial pa producir vins con cuerpo y con carácter suau. A esferencia d'o chardonnay, o varietal de viognier tien aromas mas naturals, entre as que i son as notas a presiego, pera, vrioletas y minerals. Manimenos, istas notas aromaticas pueden desapareixer si se expone masiau a l'oxicheno mientres a fermentación en a cuba, una tecnica que requiere d'habilidat por parti d'o productor que treballe con ista variedat. A calidat potencial d'o vin de viognier pende tamién d'a viticultura y d'o clima. A uga requiere una estación de creiximiento luenga y calida, para madurar por completo, pero un clima muit calido puet fer que a uga desarrolle altos livels de zucres que creyen a un alto grau alcolico antis de que istas notas aromaticas se desarrollen. Ista vit da baixos rendimientos de forma natural, lo que fa que siga una uga menos rentable pa bels vinyals.^[2]

En Aragón ye una d'as variedaz blancas autorizadas en os vins d'a Denominación d'Orichen Protechida Campo de Borcha.

1. ↑ J. Robinson "The Oxford Companion to Wine", 3ª edición, pg 754 Oxford University Press 2006 ISBN 0-19-860990-6
2. ↑ ^{2,0 2,1} Wine & Spirits Education Trust "Wine and Spirits: Understanding Wine Quality" pgs 6-9, 2ª edición revisada (2012), Londres, ISBN 9781905819157