Back مناورات (فيلم) Arabic مناورات ARZ Jocs de guerra (pel·lícula) Catalan Вăрçă вăййисем CV Wargames Welsh WarGames – Kriegsspiele German Παιχνίδια πολέμου Greek WarGames English Juegos de guerra Spanish WarGames Basque
WarGames (títol orichinal en anglés, en aragonés Chuegos de guerra, enguerada en Aragón con o suyo títol traduciu enta lo castellano como Juegos de guerra) ye una cinta de cine chovenil d'intriga de ciencia-ficción de l'anyo 1983 dirichida por John Badham seguntes un guión orichinal de Lawrence Lasker y Walter F. Parkes, con una banda sonora orichinal d'Arthur B. Rubinstein, una dirección de fotografía de William A. Fraker y una producción cinematografica de Harold Schneider ta las productoras United Artists y Sherwood Productions. Forman l'elenco principal d'a cinta los actors Matthew Broderick, Dabney Coleman, John Wood, Ally Sheedy, Barry Corbin, Juanin Clay, Dennis Lipscomb, Kent Williams, Joe Dorsey, Michael Ensign y William Bogert.
WarGames conta la historia de David Lightman, un mesache resident en Seattle que vive obsesionau por os videochuegos y que bel día por casualidat contacta con o North American Aerospace Defense Command, un organismo combinau d'os Estaus Unius y Canadá ta proporcionar a ixos países protección aerospacial; David creye que ha contactau con una empresa de viodeochuegos que ye amán d'enguerar un videochuego sobre la guerra nucleyar, pero cuan proposa a l'ordinador de chugar-ie, l'ordinador enchega una alerta d'ataque nucleyar d'a Unión Sovietica y posa en alerta a l'exercito estausunidense ta repelir l'ataque, posando a lo mundo en alerta nucleyar. Se tracta d'una cinta ambientada en Seattle y atros puestos de Washington, en Colorado y en Oregón en epoca actual d'a cinta (1983) en os zaguers tiempos d'a Guerra Fría y las suyas escenas se filmoron en Colorado Springs (Colorado), Seattle y atras localidaz de Washington y en Culver City, Los Angeles, Long Beach y atras localidaz de California. Ye una cinta que ha recibiu cuantos premios y nominacions, en destacando tres nominacions a los Premios Oscar en a suya 56ena edición y un Premio BAFTA y dos nominacions en a suya 37ena edición.
- ↑ 1,0 1,1 (en) Enguero de WarGames en Internet Movie Database.