Back أبيغيل هوبز (محاكمات السحر في سالم) Arabic Abigail Hobbs English Abigail Hobbs Spanish Abigail Hobbs Basque Abigail Hobbs French アビゲイル・ホッブズ Japanese
Abigail Hobbs | |
|---|---|
| Vida | |
| Nacimientu | condáu d'Essex, circa 1678 (346/347 años) |
| Residencia | Salem |
| Familia | |
| Padre | William Hobbs |
 | |
Abigail Hobbs yera una moza d'ente 14[1] y 16 años d'edá cuando foi arrestada acusada de bruxería el 18 d'abril de 1692, xunto con Giles Corey, Mary Warren, y Bridget Bishop. Antes de vivir na aldega de Salem, ella y la so familia vivieren en Casco (Maine), na frontera de la Provincia de la Badea de Massachusetts, mientres un tiempu en qu'hubo munchos ataques de los Wabanaki.[2] El so padre William y la so madrasca Deliverance Hobbs, tamién fueron acusaos de bruxería.
Mientres los sos exámenes múltiples por maxistraos llocales ente abril y xunu de 1692, Abigail confesó y acusó a otros de bruxería, incluyendo a John Proctor.[3] Nel so xuiciu, en setiembre, declaróse culpable de dambes acusaciones na so contra, una por aflixir a Mercy Lewis[4] y otra por conveniu col Diañu.[5] Nel so exame, el 20 d'abril de 1692, Abigail Hobbs acusó a George Burroughs, el ministru anterior de Salem, de ser bruxu. Col nomamientu del ministru Burroughs, un respetáu miembru de la comunidá, munches acusaciones surdieron xubiendo la xerarquía social de los acusaos.[6]
El gobernador William Phips dio a la familia Hobbs un respiru en xineru de 1693, dempués de que'l xuez xefe William Stoughton roblara la orde d'execución.[7] El so padre solicitó al Tribunal Xeneral que-y indemnizara polos gastos de 40 llibres que-y costó l'encarcelamientu de la familia, pero dixo que taba dispuestu a aceptar 10 llibres esterlines, que la Corte concediólu en 1712. Ella foi unu de los nomaos na Llei de Reversión pola Corte Xeneral de Massachusetts, el 17 d'ochobre de 1711.
- ↑ (1993) Salem Story. Cambridge University Press, páx. 43–45.
- ↑ Mary Beth Norton, In the Devil's Snare, Knopf: New York 2002
- ↑ Paul S. Boyer and Stephen Nissenbaum, Salem Witchcraft Papers (henceforth SWP) DaCapo Press, 1977, pp. 405-409, pp. 410-412, 413
- ↑ Paul Boyer and Stephen Nissenbaum, SWP p. 414
- ↑ SWP pp. 414-415.
- ↑ (2014) The Penguin Book of Witches. New York, NY: Penguin Group, páx. 173–177. ISBN 9780143106180.
- ↑ "Letter Non. 2" (William Phips to Daniel Finch, 2nd Earl of Nottingham, February 21, 1693), SWP p. 865