Aena

Aena
Aena, S.A. (es)
negociu y empresa
Llocalización
Sede	Madrid
Direición	España
Forma xurídica	sociedá anónima
Historia
Fundación	2017
Organigrama
Presidente	Maurici Lucena (es) (2018)
Direutor executivu	Maurici Lucena (es) (2018)
Sector
Industria	gestión de aeropuertos (es)
Participación empresarial
Organización matriz	ENAIRE
Filiales	ver Cuerpo de Bomberos de AENA (es)
Datos económicos
Bolsa de valores	Ibex 35
Parte de	Bolsa de Madrid AENA
Emplegaos	8771 (2020)
Web oficial

Aena, SME S. A. (Aeropuertos Españoles y Navegación Aérea) ye una empresa pública española que xestiona los aeropuertos d'interés xeneral n'España. La sociedá, que ye propiedá al 51 % del ente públicu empresarial ENAIRE, opera 46 aeropuertos y 2 helipuertos n'España y participa al traviés del so filial «Aena Internacional», na xestión de 15 aeropuertos n'Europa y América, lo que-y convierte nel primer operador aeroportuario del mundu por númberu de pasaxeros.^[1]

Foi creada en 2010 como sociedá mercantil estatal, a partir de la segregación de los activos aeroportuarios del ente públicu Aeropuertos Españoles y Navegación Nérea (conocíu poles sos sigles AENA), col nome de «Aena Aeropuertos», retomando'l 4 de xunetu de 2014, la so denominación histórica de «Aena».^[2] El 11 de febreru de 2015, Aena empezó a cotizar en Bolsa dientro del selectivu Ibex 35, al traviés d'una privatización parcial del 49% de la sociedá por aciu una OPV.^[3]

1. ↑ El Gobiernu aprueba la salida a Bolsa del 28% de Aena rtve.es
2. ↑ Real Decreto-llei 8/2014, de 4 de xunetu, d'aprobación de midíes urxentes pa la crecedera, la competitividá y l'eficiencia, publicáu nel BOE 163/2014 de 5 de xunetu de 2014, páxines 52544 a 52715..
   Artículu 18: 2. La entidá pública empresarial Aeropuertos Españoles y Navegación Nérea (Aena), creada pol artículu 82 de la Llei 4/1990, de 29 de xunu, de Presupuestos Xenerales del Estáu pa 1990, pasa a denominase ENAIRE.
3. ↑ Aena relluma nel so estrenu en Bolsa con una xubida del 20% expansion.com