Aeropuertu Internacional de Dallas-Fort Worth

Aeropuertu Internacional de Dallas-Fort Worth
aeropuertu internacional, aeropuertu y aeródromu de tráficu comercial
IATA: DFW • OACI: KDFW
Llocalización
País	Estaos Xuníos
Estaos	Texas
Llugar físicu	Grapevine (es)
Coordenaes	32°53′49″N 97°02′17″W / 32.8969°N 97.0381°O / 32.8969; -97.0381
Aeropuertu Internacional de Dallas-Fort Worth Aeropuertu Internacional de Dallas-Fort Worth (los EE.XX.)
Altitú	185 m
Historia y usu
Dueñu	Dallas Fort Worth
Orixe del nome	Dallas Fort Worth Dallas-Fort Worth metroplex
Arquiteutura
Superficie	6963 ha
Aeropuertu
Ciudá a la que sirve	Dallas-Fort Worth metroplex y Mansfield (es)
Web oficial

L'Aeropuertu Internacional de Dallas-Fort Worth (IATA: DFW, OACI: KDFW, FAA LID: DFW) (inglés: Dallas/Fort Worth International Airport ) alcuéntrase ente les ciudaes de Dallas y Fort Worth^[1] y ye l'aeropuertu más transitáu del estáu de Texas.

Con 685.491 operaciones aérees nel 2007,^[2] ye'l tercer aeropuertu más ocupáu del mundu en términos d'operaciones aérees. En términos de tráficu de pasaxeros, ye'l séptimu aeropuertu del mundu tresportando a 59.784.876 pasaxeros^[3] nel 2007. 57.093.187 pasaxeros pasaron al traviés del Aeropuertu DFW nel 2008. En términos de superficie de tierra, con 7.315 hectárees (18.076 acres),^[4] ye l'aeropuertu más grande de Texas, el segundu más grande d'Estaos Xuníos, solo detrás del Aeropuertu Internacional de Denver y el terceru más grande del mundu. Ye la novena puerta d'enllaz internacional de los Estaos Xuníos y el segundu de Texas, dempués del Aeropuertu Intercontinental George Bush.^[5] Atópase empatáu col Aeropuertu Internacional Chicago-O'Hare con más pistes d'aterrizaxe con siete. Nel 2006, l'aeropuertu foi nomáu'l "Meyor Aeropuertu de Carga del Mundu" acordies cola segunda edición d'una encuesta.^[6][7]

L'aeropuertu, xunto coles ciudaes incorporaes de Coppell,^[8] Euless,^[9] Grapevine^[10] y Irving,^[11] opera 134 destinos nacionales y 37 internacionales y ye'l centru de conexón más grande d'American Airlines (745 vuelos diarios) y tamién el más grande centru de conexón d'American Eagle. El 85% de tolos vuelos de Dallas/Fort Worth son operaos por American Airlines. Delta Air Lines esanició'l so centru de conexón de Dallas/Fort Worth en febreru de 2005 nun esfuerciu por menguar costos y evitar competencia direuta con American. La llinia aérea amenorgó operaciones de 256 vuelos diarios a tan solo 21.

L'aeropuertu ye frecuentemente llamáu pol so códigu IATA "DFW." Ye operáu en munchos aspeutos como una ciudá pequeña. Cuenta cola so propia oficina postal, códigu postal y servicios públicos. El Serviciu Postal de los Estaos Xuníos da al aeropuertu la so propia designación, Aeropuertu DFW, TX.^[12] Los miembros de la xunta de direutores del aeropuertu son nomaos polos "propietarios de les ciudaes" de Dallas y Fort Worth. L'aeropuertu atópase dientro de les llendes d'otros trés suburbios, una situación que dexó batalles llegales sobre'l so xurisdicción (vease más palantre). P'ayudar a garantizar la futura harmonía colos sos vecinos, la xunta del Aeropuertu DFW, inclúi un miembru ensin derechu a votu - un representante escoyíu ente los vecinos del aeropuertu (Irving, Euless, Grapevine y Coppell) sobre una base rotativa.

DFW ta conectáu per mediu d'autobús escontra una estación de tren xustu al sur del aeropuertu. La llinia Trinity Railway Express sirve al empar el centru de Dallas y el centru de Fort Worth.

1. ↑ DFW Airport press release, see section "About DFW International Airport", dated 12 February 2007, URL retrieved 25 February 2007
2. ↑ ACI aircraft movement for 2007
3. ↑ Tráficu de pasaxeros 2007 FINAL (enllaz rotu disponible n'Internet Archive; ver l'historial y la última versión).
4. ↑ DFW Airport Facts
5. ↑ «U.S. Department of Transportation, Bureau of Transportation Statistics, Office of Airline Information, T-100 Segment data, 2006». Archiváu dende l'orixinal, el 12 de mayu de 2009. Consultáu'l 10 de xunetu de 2009.
6. ↑ AirCargoWorld.com - Air Cargo Excellence Survey. Retrieved 18 de setiembre de 2006.
7. ↑ DFWairport.com - Cargo Connects DFW To the World and DFW news release. Retrieved 18 de setiembre de 2006.
8. ↑ "Coppell City, Texas Archiváu 2006-09-25 en Wayback Machine." U.S. Census Bureau. Retrieved on 27 de mayu de 2009.
9. ↑ "Euless City, Texas (enllaz rotu disponible n'Internet Archive; ver l'historial y la última versión).." U.S. Census Bureau. Retrieved on 27 de mayu de 2009.
10. ↑ "Grapevine City, Texas (enllaz rotu disponible n'Internet Archive; ver l'historial y la última versión).." U.S. Census Bureau. Retrieved on 27 de mayu de 2009.
11. ↑ "Irving City, Texas Archiváu 2008-05-17 en Wayback Machine." U.S. Census Bureau. Retrieved on 27 de mayu de 2009.
12. ↑ "Contact Us," Dallas-Fort Worth International Airport