Annie Lennox

Annie Lennox
Vida
Nacimientu	Aberdeen, 25 d'avientu de 1954[1] (70 años)
Nacionalidá	Reinu Xuníu
Llingua materna	inglés británicu
Familia
Casada con	Mitchell Besser
Estudios
Estudios	Royal Academy of Music Harlaw Academy (en)
Llingües falaes	inglés
Oficiu	cantante, compositora de cantares, artista d'estudiu, direutora de videos musicales, cantautora, activista en lucha contra el sida (es)
Trabayos destacaos	Why Walking on Broken Glass Into the West Sweet Dreams (Are Made of This)
Premios	ver Livingstone Medal Globu d'Oru al meyor cantar orixinal  (2004) : Into the West[2] Óscar al meyor cantar orixinal  (2004) : Into the West[3] Oficial de la Orde del Imperiu británicu  (2011) Honorary Fellow of the Royal Society of Edinburgh  (2022) [4]
Miembru de	Eurythmics Royal Society of Edinburgh The Tourists
Xéneru artísticu	pop new wave rock
Mena de voz	contraltu
Instrumentu musical	pianu voz Flauta duce
Discográfica	19 Recordings Arista Decca Records RCA Records
IMDb	nm0005142
annielennox.com

Ann Lennox (25 d'avientu de 1954, Aberdeen), más conocida como Annie Lennox, ye una cantautora y activista escocesa de sonadía internacional. Empecipió la so carrera a finales de la década de 1970 en The Tourists, xunto col so colega David A. Stewart y otros miembros. Años más tarde alióse con Stewart pa formar Eurythmics, unu de los duos musicales más reconocíos mientres la década de 1980.^[7]

Lennox empecipió la so carrera en solitariu en 1992 col so álbum #debut Diva, del cual salieron los senciellos d'ésitu: «Why», «Little Bird» y «Walking On Broken Glass», ente otros. Llanzó cinco álbumes d'estudiu y un únicu álbum recopilatorio: The Annie Lennox Collection, en 2009. Recibió ocho premios BRIT, siendo l'artista femenina con más gallardones. En 2004 ganó'l Globu d'Oru y l'Óscar na categoría de meyor cantar orixinal por «Into the West», escrita especialmente pa la banda sonora de la película The Lord of the Rings: The Return of the King.^[8]

Adicionalmente a la so carrera como cantante, Lennox ye una activista política y social. Entamó campañes enraigonaes n'obres de caridá pal África y de conciencia del VIH. Tamién tuvo en contra del usu del cantar «I Saved the World Today» -grabada por Eurythmics en 1999- na campaña eleutoral de la ministra d'asuntos esteriores israelín, Tzipi Livni, en 2009.

Conocida por ser un iconu pop, pol so fondu rexistru vocal de contraltu y polos sos estravagantes presentaciones en vivu, Lennox foi considerada como «La meyor cantante viva de soul blancu» por VH1 y foi incluyida na llista de «Los 100 vocalistas más grandes de tolos tiempos» pola revista Rolling Stone. Tamién foi considerada como «la cantante británica de mayor ésitu» na historia musical d'aquel país pol so ésitu comercial a nivel mundial dende principios de 1980. En vendiendo más d'ochenta millones de discos en tol mundu incluyíu'l so trabayu con Eurythmics- foi considerada como una de les artistes más esitoses de tolos tiempos.^[9]

1. ↑ Afirmao en: Gemeinsame Normdatei. Data de consulta: 26 abril 2014. Llingua de la obra o nome: alemán. Autor: Biblioteca Nacional d'Alemaña.
2. ↑ URL de la referencia: https://www.goldenglobes.com/person/annie-lennox.
3. ↑ URL de la referencia: http://aaspeechesdb.oscars.org/link/076-16/.
4. ↑ ^{4,0 4,1} URL de la referencia: https://rse.org.uk/academic-and-artistic-minds-honoured-as-rse-fellows/. Data de consulta: 21 mayu 2022.
5. ↑ URL de la referencia: https://los40.com/los40/2022/01/25/los40classic/1643125815_649476.html.
6. ↑ URL de la referencia: https://www.discogs.com/artist/291650-The-Tourists.
7. ↑ Annie Lennox, AllmusicAllmusic, http://www.allmusic.com/artist/p24064, consultáu'l 13 d'abril de 2009 
8. ↑ Academy Awards. «Annie Lennox - Oscar win and acceptance speech» (inglés). Consultáu'l 21 d'ochobre de 2011.
9. ↑ «Annie Lennox Sets a North American Tour in Support of Songs of Mass Destruction, Her New Arista Album, Coming October 2nd», PR Newswire: 1, 12 de setiembre de 200712 de setiembre de 2007