Back Batman Afrikaans Batman ANG باتمان Arabic باتمان ARZ Betmen Azerbaijani بتمن AZB Бэтмэн Byelorussian Batman BEW Батман Bulgarian ব্যাটম্যান Bengali/Bangla
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| Batman | ||
|---|---|---|
Personaxe de Detective Comics (es)  | ||
| Universu | Universu DC | |
| Creador/a/es | Bob Kane y Bill Finger | |
| Información | ||
| Sexu | masculín | |
| Nacimientu | Gotham City, | |
| Ocupación | empresariu, detective, vixilante, direutor executivu, superhéroe, filántropu y artista marcial | |
| Padres |
Thomas Wayne (es) Martha Wayne (es) | |
| Fíos |
Dick Grayson (es) , Jason Todd (es) , Cassandra Cain (personaje) (es) , Tim Drake (es) , Damian Wayne (es) y Helena Wayne (es) | |
| Residencia | Gotham City | |
| Nacionalidá | Estaos Xuníos | |
| [editar datos en Wikidata] | ||
Batman (Home-Esperteyu n'asturianu) ye un superhéroe creáu polos estauxunidenses Bob Kane y Bill Finger pa la editorial DC Comics, masque la reconocencia del llabor de Bill Finger nun se dio hasta dempués de que morriera (magar que foron de so idees como'l traxe del héroe, el Batmobile, el comisariu Gordon, el villanu Joker o'l collaciu Robin). Apaeció por primer vez nel númberu 27 de la revista Detective Comics, datáu en mayu de 1939, y ta influyíu polos héroes El Zorro y Phantom, asina como los diseños de Leonardo Da Vinci pa los preseos qu'usa. Al aviesu qu'otros superhéroes, Batman nun tien superpoder dalu, pero ye espertu n'artes marciales, científicu y el meyor detective del mundu, amás de poseyer artiluxos teunolóxicos a esgaya. Na llucha escontra'l crime ayúdenlu dellos aliaos, ente los que destaquen varios Robin socesivos (qu'al medrar tórnense superhéroes independientes con una identidá propia), Batgirl o'l so mayordomu Alfred Pennyworth. D'enemigos principales tien al Joker, sicópata con aspeutu de payasu, y Catwoman, lladrona cola qu'amás tien un amoríu. La identidá secreta de Batman ye Bruce Wayne, un empresariu multimillonariu y filántropu de Gotham City. En siendo testigu del asesinatu de so pa y so ma cuando yera neñu, xura vengase y combatir la delincuencia, pa lo que se somete a un severu entrenamientu físicu y mental. Garra'l diseñu d'un esperteyu pa la vistimienta, les armes y los vehículos, y d'ehí'l nome.