Back Bonnie Tyler Afrikaans Bonnie Tyler AN بوني تايلور Arabic بونى تايلور ARZ Bonni Tayler Azerbaijani بانی تایلر AZB Боні Тайлер Byelorussian Бони Тайлър Bulgarian Bonnie Tyler Breton Bonnie Tyler Catalan

Bonnie Tyler

Bonnie Tyler
Vida
Nacimientu Skewen (es) Traducir, 8 de xunu de 1951[1] (73 años)
Nacionalidá Bandera del Reinu Xuníu Reinu Xuníu
Familia
Casada con Robert Sullivan (1973 – )
Estudios
Llingües falaes inglés
galés
alemán
Oficiu cantante, compositora de cantares, cantautora, artista d'estudiu
Premios
Seudónimos Bonnie Tyler
Xéneru artísticu rock
pop
Country
soft rock
pop rock
Mena de voz contraltu
Instrumentu musical voz
Discográfica RCA Records
Chrysalis
Columbia Records
IMDb nm0878781
bonnietyler.com
Cambiar los datos en Wikidata

Gaynor Hopkins[2] (8 de xunu de 1951, Skewen (es) Traducir) meyor conocida pol so nome artísticu Bonnie Tyler, ye una cantante galesa, compositora, empresaria y filántropa activa. Dueña d'una voz bien carauterística, como ronca o resgada.

Empezando como un cantante llocal en Swansea, Tyler saltó a la fama col llanzamientu del so álbum de 1977 The World Starts Tonight y los sos senciellos «Lost in France» y «More Than a Lover». El so cantar «It's a Heartache» foi un ésitu a entrambos llaos del Atlánticu, algamando'l númberu unu en dellos países europeos y rompiendo les llistes d'ésitos estauxunidenses. En 1979 ganó'l 10ᵘ Festival Mundial del Cantar Popular col so cantar «Sitting on the Edge of the Ocean», la so carrera algamó'l so puntu máximu na década de 1980 cola so collaboración con Jim Steinman, llanzando ésitos internacionales como «Total Eclís of the Heart», «Holding Out for a Hero», «If You Were a Woman (And I Was a Man)», «Here She Comes» y «Loving You's a Dirty Job (but Somebody's Gotta Do It)».

Na década de 1990 tuvo un mayor ésitu n'Europa continental con senciellos como «Bitterblue» y «Fools Lullaby», col productor alemán Dieter Bohlen (celebru del famosu dúu Modern Talking). Tyler siguiera col so ésitu nel Reinu Xuníu y Estaos Xuníos.

Faciendo un remanecimientu a finales de 2003 en Francia, Tyler llanzó «Si demain... (Turn Around)» con Kareen Antonn, que foi númberu unu en Francia mientres diez selmanes, vendiendo más de 700.000 copies. Nos últimos años apaeció en dellos programes de televisión del Reinu Xuníu; por casu, fixo un cameo na telenovela británica Hollyoaks. Más tarde tuvo de xira con Robin Gibb en 2010 y con Status Quo en 2012. El so últimu álbum Rocks and Honey tuvo un ésitu moderáu n'Europa, col so senciellu «Believe in Me» col cual representó al Reinu Xuníu nel Festival del Cantar d'Eurovisión, quedando nel puestu 19 con 23 puntos.[3] Darréu, Tyler ganó'l premiu ESC Radiu al meyor cantar y la meyor artista femenina, marcándola como la primer representante del Reinu Xuníu en recibir dos premios.[4] Los sos postreros senciellos, «This is Gonna Hurt» y «Love is the Knife» fueron llanzaos n'agostu y setiembre de 2013, respeutivamente, y nel 2013 realizó una xira per Sudáfrica.

Tyler collaboró con dellos cantantes incluyendo Cher, Meat Loaf, Mike Oldfield, Frankie Miller, Vince Gill y Andrea Bocelli y llanzó más de 30 senciellos a dúu dende 1983.

Con una carrera que toma cuasi cuatro décades, ganó tres premios Goldene Europa, un premiu Echo, y foi nomada a tres Premios Brit y tres Premios Grammy. La so distintiva voz ronca, como resultáu d'una operación pa extirpar nódulos vocales, tuvo nella la comparanza con artistes como Rod Stewart y Kim Carnes, y llegóse a conocer como «la primer dama internacional del rock».[5][6][7][8]

  1. ↑ Afirmao en: SNAC. Identificador SNAC Ark: w6jh46tq. Apaez como: Bonnie Tyler. Data de consulta: 9 ochobre 2017. Llingua de la obra o nome: inglés.
  2. ↑ Ellis, James (27 d'ochobre de 2009). «Bonnie Tyler». Metro Online. Consultáu'l 8 de mayu de 2013.
  3. ↑ «About Bonnie Tyler». Eurovision.tv. Consultáu'l 8 de mayu de 2013.
  4. ↑ Mourinho, Daniel (17 de xunu de 2013). «ESC Radio Awards 2013 – The Win». Eurovision Song Contest Radio. Consultáu'l 2 de xunetu de 2013.
  5. ↑ «BBC announces Bonnie Tyler as United Kingdom representative at Eurovision 2013». BBC (7 de marzu de 2013). Consultáu'l 3 de xunu de 2013.
  6. ↑ «First lady of rock to heat up Cape Town this weekend». African News Network (2 de setiembre de 2013). Consultáu'l 30 de xunetu de 2014.
  7. ↑ «Bonnie Tyler – Free Spirit Album Review». Rovi Corporation. http://www.allmusic.com/album/free-spirit-mw0000176714. Consultáu'l 26 d'agostu de 2013. 
  8. ↑ «Picks and Pans Review: Faster Than the Speed of Night». People Magazine. Consultáu'l 15 d'agostu de 1983.
From Wikipedia, the free encyclopedia · View on Wikipedia

Developed by Nelliwinne