Back Кастылья-ла-Нуэва Byelorussian Castilla la Nueva Breton Castella la Nova Catalan Nová Kastilie Czech Νέα Καστίλη (Ισπανία) Greek New Castile (Spain) English Nova Kastilio Esperanto Castilla la Nueva Spanish Gaztela Berria Basque Nouvelle-Castille French
Castiella la Nueva ye'l nome d'una de les antigües rexones españoles, aquellas qu'esistíen primero de l'actual división del estáu en comunidaes autónomes. Comprendía les provincies de Ciudad Real, Cuenca, Guadalajara, Madrid y Toledo[1]. Esto ye, les de l'actual comunidá de Castiella-La Mancha, sacante la d'Albacete, que daquella pertenecía a la Rexón de Murcia, y amás l'actual Comunidá de Madrid.
Anantes de la división provincial de Javier de Burgos de 1833 bona parte del norte y l'oeste de l'actual provincia d'Albacete pertenecía a la de Cuenca (Jorquera, La Roda o Villalgordo del Júcar) o a la de La Mancha (Alcaraz, Villarrobledo o Ossa de Montiel) y, poro, incluyíase en Castiella la Nueva[2], mentantu que'l restu del territoriu actual d'esta provincia pertenecía al reinu de Murcia, integrándose por ello na so rexón histórica. Nos axustes realizaos nes dos décades posteriores a la división de 1833 los conceyos de Villena y Sax, pertenecientes a Albacete, pasaron a la provincia d'Alacant, mentantu que les tierres de la meseta de Requena-Utiel, que yeren de la provincia de Cuenca, incorporáronse a la provincia de València.