Colosu de Rodes

Colosu de Rodes
Κολοσσός της Ρόδου (el)
escultura perdida (es) , estatua colosal (es) , maravilla del Mundo Antiguo (es) y edificiu desapaecíu
Llocalización
Ciudá antigua	antigua Rodas (es)
Coordenaes	36°27′04″N 28°13′40″E / 36.45111°N 28.22778°E / 36.45111; 28.22778
Colosu de Rodes Colosu de Rodes (Grecia)
Historia y usu
Apertura	284 edC
Arquiteutura
Arquiteutu/a	Cares de Lindos (es)
Inxenieru d'estructures	Cares de Lindos (es)
Materiales	bronce
Altor	33 m

El colosu de Rodes yera una gran estatua del dios griegu Helios, realizada pol escultor Cares de Lindos na islla de Rodes (Grecia) en 292 e.C. y destruyida por un terremotu en 226 e.C. Ye considerada una de les Siete maravíes del mundu antiguu.^[1]

Tolo que se conoz sobre esta estatua débese a les noticies que dexaron los escritores antiguos Pliniu'l Vieyu, Polibiu^[2] y Estrabón, y a les cróniques bizantines de Constantín VII Porfiroxéneta, Miguel el Siriu y Filón.

La estatua (fecha con plaques de bronce sobre un armazón de fierro) representaba al dios griegu del sol, Helios. Según Pliniu'l Vieyu, midía unos 32 m:

Pero de toos, el más almiráu foi'l Colosu del Sol, en Rodes, fechu por Cares de Lindos, alumnu del Lisipo antes mentáu. Esta estatua midía 70 coldos d'altor.^[3] Dempués de 66 años un terremotu esbarrumbólu, pero inclusive xacente ye un milagru. Pocos pueden tomar el pulgar colos brazos, los sos deos yeren más grandes que la mayoría de les estatues que teníen marfil. El vacíu de los sos miembros rotos aseméyase a grandes covarones. Nel interior vense roques descomanaes, que col so pesu estabilizaben la so constitución. Doce años tardaron en terminala y costó 300 talentos, que se consiguieron de les máquines de guerra abandonaes pol rei Demetriu nel asediu de Rodes.

Pliniu'l Vieyu, Historia natural (34.18.3)^[4]

La base, de mármol blanco, midía 40 coldos (15 metros).^{[ensin referencies]} Pesaría unes 70 tonelaes.^{[ensin referencies]}

En comparanza, la Estatua de la Llibertá ―allugada en Nueva York― mide 33 metros y tien una base de 48 metros,^[5] anque foi construyida más de 2000 años más tarde.

1. ↑ «Colossus, Rhodius, inter 7 Mundi miracula numeratus, et Soli dicatus, totos 56 annos solum stetit, et terremotus concidit», Novum Lexicon Historicum et Criticum, páx. 60.
2. ↑ Polibiu, Hestories (V.88.1).
3. ↑ El coldu griegu (πεχυα) midía 46,3 cm.
4. ↑ Llibru 34 de la Historia natural de Pliniu'l Vieyu:
   

   Ante omnes autem in admiratione fuit Solis colossus Rhodi, quem fecerat Chares Lindius, Lysippi supra dicti discipulus. LXX cubitorum altitudinis fuit hoc simulacrum, post LXVI annum terrae motu prostratum, sei iacens quoque miraculo est. pauci pollicem eius amplectuntur, maiores sunt digiti quam pleraeque statuae. Vasti specus hiant defractis membris; spectantur intus magnae molis saxa, quorum sopese stabiliverat eum constituens. Duodecim annis tradunt effectum CCC talentis, quae contigerant ex apparatu regis Demetrii relicto morae taedio obsessa Rhodo.

5. ↑ Altor de la estatua.