Cory Monteith

Cory Monteith
Vida
Nacimientu	Calgary, 11 de mayu de 1982[1]
Nacionalidá	Canadá
Muerte	Vancouver, 13 de xunetu de 2013[1] (31 años)
Causa de la muerte	sobredosis
Familia
Pareyes	Lea Michele
Estudios
Estudios	Belmont Secondary School (en)
Llingües falaes	inglés[2]
Oficiu	actor, músicu, actor de voz, actor de televisión
Emplegadores	Walmart Hudson's Bay (en)
Premios	ver Premios del Sindicatu d'Actores
IMDb	nm1719342

Cory Allan Michael Monteith^[3] (Calgary, Alberta, 11 de mayu de 1982 — Vancouver, Columbia Británica, 13 de xunetu de 2013)^[4] foi un actor y músicu canadiense, conocíu pol so papel de Finn Hudson na serie de televisión Glee.

Como actor basáu en Columbia Británica, Monteith tuvo roles menores na televisión del so país antes de grabase a sigo mesmu cantando "Can't Fight This Feeling", que lo llevó a lo que sería'l papel más importante de la so carrera; el de Finn Hudson na serie Glee. Consiguiente al so ésitu en dicha serie, empezó la so carrera cinematográfica, actuando en películes como Monte Carlo, y un papel líder en Sisters & Brothers.

Monteith tuvo una adolescencia complicada pol abusu de sustancies dende los dolce años d'edá, lo que lo llevó a dexar la escuela con dieciséis años. Depués de la intervención de familiares y amigos, empezó un tratamientu de rehabilitación a la edá de diecinueve años. Nuna entrevista del añu 2011 cola revista Parade, faló de la so adicción a les drogues; y en marzu de 2013 volvió recurrir a un tratamientu contra les mesmes. El 13 de xunetu de 2013, morrió d'una intoxicación d' medicamentos y alcohol nun hotel de Vancouver.

1. ↑ ^{1,0 1,1} Afirmao en: Internet Movie Database. Llingua de la obra o nome: inglés.
2. ↑ Identificador CONOR.SI: 211908707. Afirmao en: CONOR.SI.
3. ↑ «Cory Monteith Biography» (inglés). TV Guide. Archiváu dende l'orixinal, el 2 de xunu de 2011. Consultáu'l 15 de mayu de 2011.
4. ↑ El País (ed.): «Topáu muertu l'actor de ‘Glee’ Cory Monteith» (14 de xunetu de 2013). Consultáu'l 14 de xunetu de 2013.